৩. সমুচ্চযক্খন্ধকং

১. সুক্কৱিস্সট্ঠি

৯৭. তেন সমযেন বুদ্ধো ভগৱা সাৱত্থিযং ৱিহৰতি জেতৱনে অনাথপিণ্ডিকস্স আৰামে. তেন খো পন সমযেন আযস্মা উদাযী একং আপত্তিং আপন্নো হোতি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো [তে ভিক্খূ ভগৱতো (স্যা.)] এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং দেতু. এৱঞ্চ পন, ভিক্খৱে, দাতব্বং –

অপ্পটিচ্ছন্নমানত্তং

৯৮. ‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা একংসং উত্তৰাসঙ্গং কৰিত্ৱা ৱুড্ঢানং ভিক্খূনং পাদে ৱন্দিত্ৱা উক্কুটিকং নিসীদিত্ৱা অঞ্জলিং পগ্গহেত্ৱা এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং, ভন্তে, সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচামি. অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. দুতিযম্পি, সোহং [দুতিযম্পি (সী. ক.)] ভন্তে, সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচামি. অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. ততিযম্পি সোহং [ততিযম্পি (সী. ক.)], ভন্তে, সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচামী’তি. ‘‘ব্যত্তেন ভিক্খুনা পটিবলেন সঙ্ঘো ঞাপেতব্বো –

৯৯. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচতি. যদি সঙ্ঘস্স পত্তকল্লং, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং দদেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচতি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং দেতি. যস্সাযস্মতো খমতি উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তস্স দানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি – সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচতি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং দেতি. যস্সাযস্মতো খমতি উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তস্স দানং, সো তুণ্হস্স; যস্স নক্খমতি, সো ভাসেয্য.

‘‘ততিযম্পি এতমত্থং ৱদামি – সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচতি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং দেতি. যস্সাযস্মতো খমতি উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তস্স দানং, সো তুণ্হস্স; যস্স নক্খমতি, সো ভাসেয্য.

‘‘দিন্নং সঙ্ঘেন উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

অপ্পটিচ্ছন্নঅব্ভানং

১০০. সো চিণ্ণমানত্তো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সোহং চিণ্ণমানত্তো. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অব্ভেতু. এৱঞ্চ পন, ভিক্খৱে, অব্ভেতব্বো –

তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা একংসং উত্তৰাসঙ্গং কৰিত্ৱা ৱুড্ঢানং ভিক্খূনং পাদে ৱন্দিত্ৱা উক্কুটিকং নিসীদিত্ৱা অঞ্জলিং পগ্গহেত্ৱা এৱমস্স ৱচনীযো – ‘‘অহং ভন্তে একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং, সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সোহং, ভন্তে, চিণ্ণমানত্তো সঙ্ঘং অব্ভানং যাচামি.

‘‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সোহং চিণ্ণমানত্তো দুতিযম্পি, ভন্তে, সঙ্ঘং অব্ভানং যাচামি.

‘‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সোহং চিণ্ণমানত্তো ততিযম্পি, ভন্তে, সঙ্ঘং অব্ভানং যাচামীতি. ব্যত্তেন ভিক্খুনা পটিবলেন সঙ্ঘো ঞাপেতব্বো –

১০১. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো সঙ্ঘং অব্ভানং যাচতি. যদি সঙ্ঘস্স পত্তকল্লং, সঙ্ঘো উদাযিং ভিক্খুং অব্ভেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো সঙ্ঘং অব্ভানং যাচতি. সঙ্ঘো উদাযিং ভিক্খুং অব্ভেতি. যস্সাযস্মতো খমতি উদাযিস্স ভিক্খুনো অব্ভানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি – সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো সঙ্ঘং অব্ভানং যাচতি. সঙ্ঘো উদাযিং ভিক্খুং অব্ভেতি. যস্সাযস্মতো খমতি উদাযিস্স ভিক্খুনো অব্ভানং, সো তুণ্হস্স; যস্স নক্খমতি, সো ভাসেয্য.

‘‘ততিযম্পি এতমত্থং ৱদামি – সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো সঙ্ঘং অব্ভানং যাচতি. সঙ্ঘো উদাযিং ভিক্খুং অব্ভেতি. যস্সাযস্মতো খমতি উদাযিস্স ভিক্খুনো অব্ভানং, সো তুণ্হস্স; যস্স নক্খমতি, সো ভাসেয্য.

‘‘অব্ভিতো সঙ্ঘেন উদাযী ভিক্খু. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

একাহপ্পটিচ্ছন্নপৰিৱাসং

১০২. তেন খো পন সমযেন আযস্মা উদাযী একং আপত্তিং আপন্নো হোতি সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং একাহপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং দেতু. এৱঞ্চ পন, ভিক্খৱে, দাতব্বো –

‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা একংসং উত্তৰাসঙ্গং কৰিত্ৱা ৱুড্ঢানং ভিক্খূনং পাদে ৱন্দিত্ৱা উক্কুটিকং নিসীদিত্ৱা অঞ্জলিং পগ্গহেত্ৱা এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সোহং, ভন্তে, সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচামী’তি. দুতিযম্পি যাচিতব্বো. ততিযম্পি যাচিতব্বো. ‘‘ব্যত্তেন ভিক্খুনা পটিবলেন সঙ্ঘো ঞাপেতব্বো –

১০৩. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচতি. যদি সঙ্ঘস্স পত্তকল্লং, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং দদেয্য. এসা ঞত্তি.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘দিন্নো সঙ্ঘেন উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসো. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

একাহপ্পটিচ্ছন্নমানত্তং

১০৪. সো পৰিৱুত্থপৰিৱাসো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং অদাসি. সোহং পৰিৱুত্থপৰিৱাসো. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং দেতু. এৱঞ্চ পন, ভিক্খৱে, দাতব্বং –

‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং অদাসি. সোহং, ভন্তে, পৰিৱুত্থপৰিৱাসো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং যাচামী’তি. দুতিযম্পি যাচিতব্বং [যাচিতব্বো (সী. এৱমুপৰিপি)]. ততিযম্পি যাচিতব্বং [যাচিতব্বো (সী. এৱমুপৰিপি)]. ব্যত্তেন ভিক্খুনা পটিবলেন সঙ্ঘো ঞাপেতব্বো –

১০৫. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং অদাসি. সো পৰিৱুত্থপৰিৱাসো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং যাচতি. যদি সঙ্ঘস্স পত্তকল্লং, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং দদেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং অদাসি. সো পৰিৱুত্থপৰিৱাসো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং যাচতি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং দেতি. যস্সাযস্মতো খমতি উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তস্স দানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘দিন্নং সঙ্ঘেন উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

একাহপ্পটিচ্ছন্নঅব্ভানং

১০৬. সো চিণ্ণমানত্তো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং অদাসি. সোহং পৰিৱুত্থপৰিৱাসো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং অদাসি. সোহং চিণ্ণমানত্তো. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অব্ভেতু. এৱঞ্চ পন, ভিক্খৱে, অব্ভেতব্বো –

‘‘তেন ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং অদাসি. সোহং পৰিৱুত্থপৰিৱাসো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং অদাসি. সোহং, ভন্তে, চিণ্ণমানত্তো সঙ্ঘং অব্ভানং যাচামী’তি. দুতিযম্পি যাচিতব্বং. ততিযম্পি যাচিতব্বং. ব্যত্তেন ভিক্খুনা পটিবলেন সঙ্ঘো ঞাপেতব্বো –

১০৭. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং অদাসি. সো পৰিৱুত্থপৰিৱাসো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো সঙ্ঘং অব্ভানং যাচতি. যদি সঙ্ঘস্স পত্তকল্লং, সঙ্ঘো উদাযিং ভিক্খুং অব্ভেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং একাহপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায একাহপৰিৱাসং অদাসি. সো পৰিৱুত্থপৰিৱাসো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা একাহপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো সঙ্ঘং অব্ভানং যাচতি. সঙ্ঘো উদাযিং ভিক্খুং অব্ভেতি. যস্সাযস্মতো খমতি উদাযিস্স ভিক্খুনো অব্ভানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

পঞ্চাহপ্পটিচ্ছন্নপৰিৱাসো

১০৮. তেন খো পন সমযেন আযস্মা উদাযী একং আপত্তিং আপন্নো হোতি সঞ্চেতনিকং সুক্কৱিস্সট্ঠিং দ্ৱীহপ্পটিচ্ছন্নং…পে… তীহপ্পটিচ্ছন্নং…পে… চতূহপ্পটিচ্ছন্নং…পে… পঞ্চাহপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং দেতু. এৱঞ্চ পন, ভিক্খৱে, দাতব্বো –

‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা একংসং উত্তৰাসঙ্গং কৰিত্ৱা ৱুড্ঢানং ভিক্খূনং পাদে ৱন্দিত্ৱা উক্কুটিকং নিসীদিত্ৱা অঞ্জলিং পগ্গহেত্ৱা এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং, ভন্তে, সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং যাচামী’তি. দুতিযম্পি যাচিতব্বো. ততিযম্পি যাচিতব্বো. ব্যত্তেন ভিক্খুনা পটিবলেন সঙ্ঘো ঞাপেতব্বো –

১০৯. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং যাচতি. যদি সঙ্ঘস্স পত্তকল্লং, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং দদেয্য. এসা ঞত্তি.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘দিন্নো সঙ্ঘেন উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসো. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

পাৰিৱাসিকমূলাযপটিকস্সনা

১১০. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং অদাসি. সোহং পৰিৱসন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সতু. এৱঞ্চ পন, ভিক্খৱে, মূলায পটিকস্সিতব্বো –

১১১. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং অদাসি. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচতি. যদি সঙ্ঘস্স পত্তকল্লং, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং অদাসি. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচতি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সতি. যস্সাযস্মতো খমতি উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনা, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘পটিকস্সিতো সঙ্ঘেন উদাযী ভিক্খু অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনা [মূলায (স্যা.)]. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

মানত্তাৰহমূলাযপটিকস্সনা

১১২. সো পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং অদাসি. সোহং পৰিৱসন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সোহং পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সতু. এৱঞ্চ পন, ভিক্খৱে, মূলায পটিকস্সিতব্বো –

‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সোহং পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচামী’তি. দুতিযম্পি যাচিতব্বা. ততিযম্পি যাচিতব্বা. ব্যত্তেন ভিক্খুনা পটিবলেন সঙ্ঘো ঞাপেতব্বো –

১১৩. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সো পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচতি. যদি সঙ্ঘস্স পত্তকল্লং, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সো পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচতি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সতি. যস্সাযস্মতো খমতি উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনা, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘পটিকস্সিতো সঙ্ঘেন উদাযী ভিক্খু অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনা. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

তিকাপত্তিমানত্তং

১১৪. সো পৰিৱুত্থপৰিৱাসো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সোহং পৰিৱুত্থপৰিৱাসো. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিস্স ভিক্খুনো তিস্সন্নং আপত্তীনং ছাৰত্তং মানত্তং দেতু. এৱঞ্চ পন, ভিক্খৱে, দাতব্বং –

১১৫. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সো পৰিৱুত্থপৰিৱাসো সঙ্ঘং তিস্সন্নং আপত্তীনং ছাৰত্তং মানত্তং যাচতি. যদি সঙ্ঘস্স পত্তকল্লং, সঙ্ঘো উদাযিস্স ভিক্খুনো তিস্সন্নং আপত্তীনং ছাৰত্তং মানত্তং দদেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সো পৰিৱুত্থপৰিৱাসো সঙ্ঘং তিস্সন্নং আপত্তীনং ছাৰত্তং মানত্তং যাচতি. সঙ্ঘো উদাযিস্স ভিক্খুনো তিস্সন্নং আপত্তীনং ছাৰত্তং মানত্তং দেতি. যস্সাযস্মতো খমতি উদাযিস্স ভিক্খুনো তিস্সন্নং আপত্তীনং ছাৰত্তং মানত্তস্স দানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘দিন্নং সঙ্ঘেন উদাযিস্স ভিক্খুনো তিস্সন্নং আপত্তীনং ছাৰত্তং মানত্তং. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

মানত্তচাৰিকমূলাযপটিকস্সনা

১১৬. সো মানত্তং চৰন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সোহং মানত্তং চৰন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সিত্ৱা ছাৰত্তং মানত্তং দেতু. এৱঞ্চ পন, ভিক্খৱে, মূলায পটিকস্সিতব্বো – তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সোহং মানত্তং চৰন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং, ভন্তে, সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচামী’তি. দুতিযম্পি যাচিতব্বা. ততিযম্পি যাচিতব্বা. ‘‘ব্যত্তেন ভিক্খুনা পটিবলেন সঙ্ঘো ঞাপেতব্বো –

১১৭. ‘‘সুণাতু মে, ভন্তে, সঙ্ঘো. অযং উদাযী ভিক্খু…পে… মূলাযপটিকস্সনং যাচতি. যদি সঙ্ঘস্স পত্তকল্লং, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সেয্য. এসা ঞত্তি…পে… পটিকস্সিতো সঙ্ঘেন উদাযী ভিক্খু অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনা. খমতি সঙ্ঘস্স, তস্মা তুণ্হী, এৱমেতং ধাৰযামীতি.

‘‘এৱঞ্চ পন, ভিক্খৱে, ছাৰত্তং মানত্তং দাতব্বং – তেন, ভিক্খৱে, উদাযিনা ভিক্খুনা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সোহং মানত্তং চৰন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সোহং, ভন্তে, সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচামী’তি. দুতিযম্পি যাচিতব্বং. ততিযম্পি যাচিতব্বং. ব্যত্তেন ভিক্খুনা পটিবলেন সঙ্ঘো ঞাপেতব্বো –

‘‘সুণাতু মে, ভন্তে, সঙ্ঘো. অযং উদাযী ভিক্খু…পে… ছাৰত্তং মানত্তং যাচতি. যদি সঙ্ঘস্স পত্তকল্লং, সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং দদেয্য. এসা ঞত্তি…পে… দিন্নং সঙ্ঘেন উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

অব্ভানাৰহমূলাযপটিকস্সনা

১১৮. সো চিণ্ণমানত্তো অব্ভানাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সোহং চিণ্ণমানত্তো অব্ভানাৰহো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সিত্ৱা ছাৰত্তং মানত্তং দেতু. এৱঞ্চ পন, ভিক্খৱে, মূলায পটিকস্সিতব্বো…পে….

‘‘এৱঞ্চ পন, ভিক্খৱে, ছাৰত্তং মানত্তং দাতব্বং…পে….

‘‘দিন্নং সঙ্ঘেন উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

মূলাযপটিকস্সিতঅব্ভানং

১১৯. সো চিণ্ণমানত্তো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সোহং চিণ্ণমানত্তো. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. তেন হি, ভিক্খৱে, সঙ্ঘো উদাযিং ভিক্খুং অব্ভেতু. এৱঞ্চ পন, ভিক্খৱে, অব্ভেতব্বো –

‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং অদাসি. সোহং পৰিৱসন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সোহং পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সোহং পৰিৱুত্থপৰিৱাসো সঙ্ঘং তিস্সন্নং আপত্তীনং ছাৰত্তং মানত্তং যাচিং. তস্স মে সঙ্ঘো তিস্সন্নং আপত্তীনং ছাৰত্তং মানত্তং অদাসি. সোহং মানত্তং চৰন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সোহং চিণ্ণমানত্তো অব্ভানাৰহো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং অপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সোহং, ভন্তে, চিণ্ণমানত্তো সঙ্ঘং অব্ভানং যাচামী’’’তি.

‘‘দুতিযম্পি যাচিতব্বং. ততিযম্পি যাচিতব্বং. ব্যত্তেন ভিক্খুনা পটিবলেন সঙ্ঘো ঞাপেতব্বো –

১২০. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পঞ্চাহপৰিৱাসং অদাসি. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সো পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সো পৰিৱুত্থপৰিৱাসো সঙ্ঘং তিস্সন্নং আপত্তীনং ছাৰত্তং মানত্তং যাচি. সঙ্ঘো উদাযিস্স ভিক্খুনো তিস্সন্নং আপত্তীনং ছাৰত্তং মানত্তং অদাসি. সো মানত্তং চৰন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো অব্ভানাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং অপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায মূলায পটিকস্সি. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা অপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো সঙ্ঘং অব্ভানং যাচতি. যদি সঙ্ঘস্স পত্তকল্লং, সঙ্ঘো উদাযিং ভিক্খুং অব্ভেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং…পে… সো চিণ্ণমানত্তো সঙ্ঘং অব্ভানং যাচতি. সঙ্ঘো উদাযিং ভিক্খুং অব্ভেতি. যস্সাযস্মতো খমতি উদাযিস্স ভিক্খুনো অব্ভানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

পক্খপ্পটিচ্ছন্নপৰিৱাসো

১২১. তেন খো পন সমযেন আযস্মা উদাযী একং আপত্তিং আপন্নো হোতি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং দেতু. এৱঞ্চ পন, ভিক্খৱে, দাতব্বো –

‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সোহং, ভন্তে, সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচামী’তি. দুতিযম্পি যাচিতব্বো. ততিযম্পি যাচিতব্বো. ব্যত্তেন ভিক্খুনো পটিবলেন সঙ্ঘো ঞাপেতব্বো –

১২২. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচতি. যদি সঙ্ঘস্স পত্তকল্লং, সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং দদেয্য. এসা ঞত্তি.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘দিন্নো সঙ্ঘেন উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসো. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

পক্খপাৰিৱাসিকমূলাযপটিকস্সনা

১২৩. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং অদাসি. সোহং পৰিৱসন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. কথং নু খো মযা পটিপজ্জিতব্ব’’ন্তি! ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সিত্ৱা পুৰিমায আপত্তিযা সমোধানপৰিৱাসং দেতু. এৱঞ্চ পন, ভিক্খৱে, মূলায পটিকস্সিতব্বো –

‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং অদাসি. সোহং পৰিৱসন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং, ভন্তে, সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচামী’তি. দুতিযম্পি যাচিতব্বা. ততিযম্পি যাচিতব্বা. ব্যত্তেন ভিক্খুনা পটিবলেন সঙ্ঘো ঞাপেতব্বো –

১২৪. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং অদাসি. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচতি. যদি সঙ্ঘস্স পত্তকল্লং, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং অদাসি. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচতি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সতি. যস্সাযস্মতো খমতি উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনা, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘পটিকস্সিতো সঙ্ঘেন উদাযী ভিক্খু অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনা. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

সমোধানপৰিৱাসো

১২৫. ‘‘এৱঞ্চ পন, ভিক্খৱে, পুৰিমায আপত্তিযা সমোধানপৰিৱাসো দাতব্বো – তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং অদাসি. সোহং পৰিৱসন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সোহং, ভন্তে, সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচামী’’’তি.

‘‘দুতিযম্পি যাচিতব্বো. ততিযম্পি যাচিতব্বো. ব্যত্তেন ভিক্খুনা পটিবলেন সঙ্ঘো ঞাপেতব্বো –

১২৬. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং অদাসি. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচতি. যদি সঙ্ঘস্স পত্তকল্লং, সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং দদেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং অদাসি. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচতি. সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং দেতি. যস্সাযস্মতো খমতি উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসস্স দানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘দিন্নো সঙ্ঘেন উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসো. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

মানত্তাৰহমূলাযপটিকস্সনাদি

১২৭. সো পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং…পে… সোহং পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সিত্ৱা পুৰিমায আপত্তিযা সমোধানপৰিৱাসং দেতু. এৱঞ্চ পন, ভিক্খৱে, মূলায পটিকস্সিতব্বো…পে….

‘‘এৱঞ্চ পন, ভিক্খৱে, পুৰিমায আপত্তিযা সমোধানপৰিৱাসো দাতব্বো…পে… দেতি…পে….

তিকাপত্তিমানত্তং

১২৮. সো পৰিৱুত্থপৰিৱাসো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং…পে… সোহং পৰিৱুত্থপৰিৱাসো. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিস্স ভিক্খুনো তিস্সন্নং আপত্তীনং ছাৰত্তং মানত্তং দেতু. এৱঞ্চ পন, ভিক্খৱে, দাতব্বং –

‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং…পে… সোহং, ভন্তে, পৰিৱুত্থপৰিৱাসো সঙ্ঘং তিস্সন্নং আপত্তীনং ছাৰত্তং মানত্তং যাচামী’তি. দুতিযম্পি যাচিতব্বং. ততিযম্পি যাচিতব্বং. ব্যত্তেন ভিক্খুনা পটিবলেন সঙ্ঘো ঞাপেতব্বো –

১২৯. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং…পে… সো পৰিৱুত্থপৰিৱাসো সঙ্ঘং তিস্সন্নং আপত্তীনং ছাৰত্তং মানত্তং যাচতি. যদি সঙ্ঘস্স পত্তকল্লং, সঙ্ঘো উদাযিস্স ভিক্খুনো তিস্সন্নং আপত্তীনং ছাৰত্তং মানত্তং দদেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং…পে… সো পৰিৱুত্থপৰিৱাসো সঙ্ঘং তিস্সন্নং আপত্তীনং ছাৰত্তং মানত্তং যাচতি. সঙ্ঘো উদাযিস্স ভিক্খুনো তিস্সন্নং আপত্তীনং ছাৰত্তং মানত্তং দেতি. যস্সাযস্মতো খমতি উদাযিস্স ভিক্খুনো তিস্সন্নং আপত্তীনং ছাৰত্তং মানত্তস্স দানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

মানত্তচাৰিকমূলাযপটিকস্সনাদি

১৩০. সো মানত্তং চৰন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং…পে… সোহং মানত্তং চৰন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সিত্ৱা পুৰিমায আপত্তিযা সমোধানপৰিৱাসং দত্ৱা ছাৰত্তং মানত্তং দেতু. এৱঞ্চ পন, ভিক্খৱে, মূলায পটিকস্সিতব্বো…পে….

‘‘এৱঞ্চ পন, ভিক্খৱে, পুৰিমায আপত্তিযা সমোধানপৰিৱাসো দাতব্বো…পে….

‘‘এৱঞ্চ পন, ভিক্খৱে, ছাৰত্তং মানত্তং দাতব্বং…পে… দেতি…পে….

‘‘দিন্নং সঙ্ঘেন উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায ছাৰত্তং মানত্তং. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

অব্ভানাৰহমূলাযপটিকস্সনাদি

১৩১. সো চিণ্ণমানত্তো অব্ভানাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং…পে… সোহং চিণ্ণমানত্তো অব্ভানাৰহো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সিত্ৱা পুৰিমায আপত্তিযা সমোধানপৰিৱাসং দত্ৱা ছাৰত্তং মানত্তং দেতু. এৱঞ্চ পন, ভিক্খৱে, মূলায পটিকস্সিতব্বো…পে….

‘‘এৱঞ্চ পন, ভিক্খৱে, পুৰিমায আপত্তিযা সমোধানপৰিৱাসো দাতব্বো…পে….

‘‘এৱঞ্চ পন, ভিক্খৱে, ছাৰত্তং মানত্তং দাতব্বং…পে… দেতি…পে….

পক্খপ্পটিচ্ছন্নঅব্ভানং

১৩২. সো চিণ্ণমানত্তো ভিক্খূনং আৰোচেসি – ‘‘অহং, আৱুসো, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং…পে… সোহং চিণ্ণমানত্তো. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো উদাযিং ভিক্খুং অব্ভেতু. এৱঞ্চ পন, ভিক্খৱে, অব্ভেতব্বো –

‘‘তেন, ভিক্খৱে, উদাযিনা ভিক্খুনা সঙ্ঘং উপসঙ্কমিত্ৱা, একংসং উত্তৰাসঙ্গং কৰিত্ৱা, ৱুড্ঢানং ভিক্খূনং পাদে ৱন্দিত্ৱা, উক্কুটিকং নিসীদিত্ৱা, অঞ্জলিং পগ্গহেত্ৱা, এৱমস্স ৱচনীযো – ‘অহং, ভন্তে, একং আপত্তিং আপজ্জিং সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সোহং সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচিং. তস্স মে সঙ্ঘো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং অদাসি. সোহং পৰিৱসন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচিং. তস্স মে সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং অদাসি. সোহং পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচিং. তস্স মে সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং অদাসি. সোহং পৰিৱুত্থপৰিৱাসো সঙ্ঘং তিস্সন্নং আপত্তীনং ছাৰত্তং মানত্তং যাচিং. তস্স মে সঙ্ঘো তিস্সন্নং আপত্তীনং ছাৰত্তং মানত্তং অদাসি. সোহং মানত্তং চৰন্তো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচিং. তস্স মে সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং অদাসি. সোহং পৰিৱুত্থপৰিৱাসো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায ছাৰত্তং মানত্তং অদাসি. সোহং চিণ্ণমানত্তো অব্ভানাৰহো অন্তৰা একং আপত্তিং আপজ্জিং সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচিং. তং মং সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সোহং সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচিং. তস্স মে সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং অদাসি. সোহং পৰিৱুত্থপৰিৱাসো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায ছাৰত্তং মানত্তং যাচিং. তস্স মে সঙ্ঘো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায ছাৰত্তং মানত্তং অদাসি. সোহং, ভন্তে, চিণ্ণমানত্তো সঙ্ঘং অব্ভানং যাচামী’’’তি.

১৩৩. ‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং. সো সঙ্ঘং একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং যাচি. সঙ্ঘো উদাযিস্স ভিক্খুনো একিস্সা আপত্তিযা সঞ্চেতনিকায সুক্কৱিস্সট্ঠিযা পক্খপ্পটিচ্ছন্নায পক্খপৰিৱাসং অদাসি. সো পৰিৱসন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচি. সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং অদাসি. সো পৰিৱুত্থপৰিৱাসো মানত্তাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচি. সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং অদাসি. সো পৰিৱুত্থপৰিৱাসো সঙ্ঘং তিস্সন্নং আপত্তীনং ছাৰত্তং মানত্তং যাচি. সঙ্ঘো উদাযিস্স ভিক্খুনো তিস্সন্নং আপত্তীনং ছাৰত্তং মানত্তং অদাসি. সো মানত্তং চৰন্তো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচি. সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং অদাসি. সো পৰিৱুত্থপৰিৱাসো সঙ্ঘং [সো সংঘং (ক.)] অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো অব্ভানাৰহো অন্তৰা একং আপত্তিং আপজ্জি সঞ্চেতনিকং সুক্কৱিস্সট্ঠিং পঞ্চাহপ্পটিচ্ছন্নং. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলাযপটিকস্সনং যাচি. সঙ্ঘো উদাযিং ভিক্খুং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায মূলায পটিকস্সি. সো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং যাচি. সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায পুৰিমায আপত্তিযা সমোধানপৰিৱাসং অদাসি. সো পৰিৱুত্থপৰিৱাসো সঙ্ঘং অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায ছাৰত্তং মানত্তং যাচি. সঙ্ঘো উদাযিস্স ভিক্খুনো অন্তৰা একিস্সা আপত্তিযা সঞ্চেতনিকায সুক্কৱিস্সট্ঠিযা পঞ্চাহপ্পটিচ্ছন্নায ছাৰত্তং মানত্তং অদাসি. সো চিণ্ণমানত্তো সঙ্ঘং অব্ভানং যাচতি. যদি সঙ্ঘস্স পত্তকল্লং, সঙ্ঘো উদাযিং ভিক্খুং অব্ভেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং উদাযী ভিক্খু একং আপত্তিং আপজ্জি সঞ্চেতনিকং সুক্কৱিস্সট্ঠিং পক্খপ্পটিচ্ছন্নং…পে… সো চিণ্ণমানত্তো সঙ্ঘং অব্ভানং যাচতি. সঙ্ঘো উদাযিং ভিক্খুং অব্ভেতি. যস্সাযস্মতো খমতি উদাযিস্স ভিক্খুনো অব্ভানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

সুক্কৱিস্সট্ঠি সমত্তা.

২. পৰিৱাসো

অগ্ঘসমোধানপৰিৱাসো

১৩৪. তেন খো পন সমযেন অঞ্ঞতৰো ভিক্খু সম্বহুলা সঙ্ঘাদিসেসা আপত্তিযো আপন্নো হোতি – একা আপত্তি একাহপ্পটিচ্ছন্না, একা আপত্তি দ্ৱীহপ্পটিচ্ছন্না, একা আপত্তি তীহপ্পটিচ্ছন্না, একা আপত্তি চতূহপ্পটিচ্ছন্না, একা আপত্তি পঞ্চাহপ্পটিচ্ছন্না, একা আপত্তি ছাহপ্পটিচ্ছন্না, একা আপত্তি সত্তাহপ্পটিচ্ছন্না, একা আপত্তি অট্ঠাহপ্পটিচ্ছন্না, একা আপত্তি নৱাহপ্পটিচ্ছন্না, একা আপত্তি দসাহপ্পটিচ্ছন্না. সো ভিক্খূনং আৰোচেসি – ‘‘অহং, আৱুসো, সম্বহুলা সঙ্ঘাদিসেসা আপত্তিযো আপজ্জিং – একা আপত্তি একাহপ্পটিচ্ছন্না…পে… একা আপত্তি দসাহপ্পটিচ্ছন্না. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো তস্স ভিক্খুনো তাসং আপত্তীনং যা আপত্তি দসাহপ্পটিচ্ছন্না তস্সা অগ্ঘেন সমোধানপৰিৱাসং দেতু. এৱঞ্চ পন, ভিক্খৱে, দাতব্বো –

‘‘তেন, ভিক্খৱে, ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, সম্বহুলা সঙ্ঘাদিসেসা আপত্তিযো আপজ্জিং – একা আপত্তি একাহপ্পটিচ্ছন্না…পে… একা আপত্তি দসাহপ্পটিচ্ছন্না. সোহং, ভন্তে, সঙ্ঘং তাসং আপত্তীনং যা আপত্তি দসাহপ্পটিচ্ছন্না তস্সা অগ্ঘেন সমোধানপৰিৱাসং যাচামী’তি. দুতিযম্পি যাচিতব্বো. ততিযম্পি যাচিতব্বো. ব্যত্তেন ভিক্খুনা পটিবলেন সঙ্ঘো ঞাপেতব্বো –

১৩৫. ‘‘সুণাতু মে, ভন্তে, সঙ্ঘো. অযং ইত্থন্নামো ভিক্খু সম্বহুলা সঙ্ঘাদিসেসা আপত্তিযো আপজ্জি – একা আপত্তি একাহপ্পটিচ্ছন্না…পে… একা আপত্তি দসাহপ্পটিচ্ছন্না. সো সঙ্ঘং তাসং আপত্তীনং যা আপত্তি দসাহপ্পটিচ্ছন্না তস্সা অগ্ঘেন সমোধানপৰিৱাসং যাচতি. যদি সঙ্ঘস্স পত্তকল্লং, সঙ্ঘো ইত্থন্নামস্স ভিক্খুনো তাসং আপত্তীনং যা আপত্তি দসাহপ্পটিচ্ছন্না তস্সা অগ্ঘেন সমোধানপৰিৱাসং দদেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং ইত্থন্নামো ভিক্খু সম্বহুলা সঙ্ঘাদিসেসা আপত্তিযো আপজ্জি – একা আপত্তি একাহপ্পটিচ্ছন্না…পে… একা আপত্তি দসাহপ্পটিচ্ছন্না. সো সঙ্ঘং তাসং আপত্তীনং যা আপত্তি দসাহপ্পটিচ্ছন্না তস্সা অগ্ঘেন সমোধানপৰিৱাসং যাচতি. সঙ্ঘো ইত্থন্নামস্স ভিক্খুনো তাসং আপত্তীনং যা আপত্তি দসাহপ্পটিচ্ছন্না তস্সা অগ্ঘেন সমোধানপৰিৱাসং দেতি. যস্সাযস্মতো খমতি ইত্থন্নামস্স ভিক্খুনো তাসং আপত্তীনং যা আপত্তি দসাহপ্পটিচ্ছন্না; তস্সা অগ্ঘেন সমোধানপৰিৱাসস্স দানং, সো তুণ্হস্স; যস্স নক্খমতি, সো ভাসেয্য.

‘‘দুতিযম্পি এতমত্থং ৱদামি…পে… ততিযম্পি এতমত্থং ৱদামি…পে….

‘‘দিন্নো সঙ্ঘেন ইত্থন্নামস্স ভিক্খুনো তাসং আপত্তীনং যা আপত্তি দসাহপ্পটিচ্ছন্না তস্সা অগ্ঘেন সমোধানপৰিৱাসো. খমতি সঙ্ঘস্স, তস্মা তুণ্হী, এৱমেতং ধাৰযামী’’তি.

সব্বচিৰপ্পটিচ্ছন্নঅগ্ঘসমোধানং

১৩৬. তেন খো পন সমযেন অঞ্ঞতৰো ভিক্খু সম্বহুলা সঙ্ঘাদিসেসা আপত্তিযো আপন্নো হোতি – একা আপত্তি একাহপ্পটিচ্ছন্না, দ্ৱে আপত্তিযো দ্ৱীহপ্পটিচ্ছন্নাযো [দ্ৱীহপ্পটিচ্ছন্না (ক. এৱং যাৱদসাহপ্পটিচ্ছন্না)], তিস্সো আপত্তিযো তীহপ্পটিচ্ছন্নাযো, চতস্সো আপত্তিযো চতূহপ্পটিচ্ছন্নাযো, পঞ্চ আপত্তিযো পঞ্চাহপ্পটিচ্ছন্নাযো, ছ আপত্তিযো ছাহপ্পটিচ্ছন্নাযো, সত্ত আপত্তিযো সত্তাহপ্পটিচ্ছন্নাযো, অট্ঠ আপত্তিযো অট্ঠাহপ্পটিচ্ছন্নাযো, নৱ আপত্তিযো নৱাহপ্পটিচ্ছন্নাযো, দস আপত্তিযো দসাহপ্পটিচ্ছন্নাযো. সো ভিক্খূনং আৰোচেসি – ‘‘অহং, আৱুসো, সম্বহুলা সঙ্ঘাদিসেসা আপত্তিযো আপজ্জিং, একা আপত্তি একাহপ্পটিচ্ছন্না…পে… দস আপত্তিযো দসাহপ্পটিচ্ছন্নাযো. কথং নু খো মযা পটিপজ্জিতব্ব’’ন্তি? ভগৱতো এতমত্থং আৰোচেসুং. ‘‘তেন হি, ভিক্খৱে, সঙ্ঘো তস্স ভিক্খুনো তাসং আপত্তীনং যা আপত্তিযো সব্বচিৰপ্পটিচ্ছন্নাযো তাসং অগ্ঘেন সমোধানপৰিৱাসং দেতু. এৱঞ্চ পন, ভিক্খৱে, দাতব্বো –

‘‘তেন, ভিক্খৱে, ভিক্খুনা সঙ্ঘং উপসঙ্কমিত্ৱা…পে… এৱমস্স ৱচনীযো – ‘অহং, ভন্তে, সম্বহুলা সঙ্ঘাদিসেসা আপত্তিযো আপজ্জিং, একা আপত্তি একাহপ্পটিচ্ছন্না…পে… দস আপত্তিযো দসাহপ্পটিচ্ছন্নাযো. সোহং, ভন্তে, সঙ্ঘং তাসং আপত্তীনং যা আপত্তিযো সব্বচিৰপ্পটিচ্ছন্নাযো তাসং অগ্ঘেন সমোধানপৰিৱাসং যাচামী’তি. দুতিযম্পি যাচিতব্বো. ততিযম্পি যাচিতব্বো. ‘‘ব্যত্তেন ভিক্খুনা পটিবলেন সঙ্ঘো ঞাপেতব্বো –

১৩৭. সুণাতু মে, ভন্তে, সঙ্ঘো. অযং ইত্থন্নামো ভিক্খু সম্বহুলা সঙ্ঘাদিসেসা আপত্তিযো আপজ্জি, একা আপত্তি একাহপ্পটিচ্ছন্না…পে… দস আপত্তিযো দসাহপ্পটিচ্ছন্নাযো. সো সঙ্ঘং তাসং আপত্তীনং যা আপত্তিযো সব্বচিৰপ্পটিচ্ছন্নাযো তাসং অগ্ঘেন সমোধানপৰিৱাসং যাচতি. যদি সঙ্ঘস্স পত্তকল্লং সঙ্ঘো ইত্থন্নামস্স ভিক্খুনো তাসং আপত্তীনং যা আপত্তিযো সব্বচিৰপ্পটিচ্ছন্নাযো তাসং অগ্ঘেন সমোধানপৰিৱাসং দদেয্য. এসা ঞত্তি.

‘‘সুণাতু মে, ভন্তে, সঙ্ঘো. অযং ইত্থন্নামো ভিক্খু সম্বহুলা সঙ্ঘাদিসেসা আপত্তিযো আপজ্জি – একা আপত্তি একাহপ্পটিচ্ছন্না…পে… দস আপত্তিযো দসাহপ্পটিচ্ছন্নাযো. সো সঙ্ঘং তাসং আপত্তীনং যা আপত্তিযো সব্বচিৰপ্পটিচ্ছন্নাযো তাসং অগ্ঘেন সমোধানপৰিৱাসং যাচতি. সঙ্ঘো ইত্থন্নামস্স ভিক্খুনো তাসং আপত্তীনং যা আপত্তিযো সব্বচিৰপ্পটিচ্ছন্নাযো তাসং অগ্ঘেন সমোধানপৰিৱাসং দেতি. যস্সাযস্মতো খমতি ইত্থন্নামস্স ভিক্খুনো তাসং আপত্তীনং যা আপত্তিযো সব্বচিৰপ্পটিচ্ছন্নাযো তাসং অগ্ঘেন সমোধানপৰিৱাসস্স দানং, সো তুণ্হস্স; যস্স নক্খমতি, সো ভাসেয্য.