১১. ততিযনৱকং

১৮৪. ‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযো অপ্পটিচ্ছন্নাযো. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং দেতি. সো পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযো অপ্পটিচ্ছন্নাযো. সো তস্মিং ভূমিযং ঠিতো পুৰিমাআপত্তীনং অন্তৰাআপত্তিযো সৰতি, অপৰাআপত্তীনং অন্তৰাআপত্তিযো সৰতি. তস্স এৱং হোতি – ‘অহং খো সম্বহুলা সঙ্ঘাদিসেসা আপত্তিযো আপজ্জিং পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সোহং সঙ্ঘং তাসং আপত্তীনং সমোধানপৰিৱাসং যাচিং. তস্স মে সঙ্ঘো তাসং আপত্তীনং সমোধানপৰিৱাসং অদাসি. সোহং পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণাযো অপ্পটিচ্ছন্নাযো. সোহং সঙ্ঘং অন্তৰাআপত্তীনং মূলাযপটিকস্সনং যাচিং. তং মং সঙ্ঘো অন্তৰাআপত্তীনং মূলায পটিকস্সি অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং অদাসি. সোহং পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণাযো অপ্পটিচ্ছন্নাযো. সোহং তস্মিং ভূমিযং ঠিতো পুৰিমাআপত্তীনং অন্তৰাআপত্তিযো সৰামি, অপৰাআপত্তীনং অন্তৰাআপত্তিযো সৰামি. যংনূনাহং সঙ্ঘং পুৰিমাআপত্তীনং অন্তৰাআপত্তীনঞ্চ অপৰাআপত্তীনং অন্তৰাআপত্তীনঞ্চ মূলাযপটিকস্সনং যাচেয্যং ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং; ধম্মেন মানত্তং, ধম্মেন অব্ভান’ন্তি. সো সঙ্ঘং পুৰিমাআপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ, মূলাযপটিকস্সনং যাচতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং; ধম্মেন মানত্তং, ধম্মেন অব্ভানং. তং সঙ্ঘো পুৰিমাআপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ, মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি; ধম্মেন মানত্তং দেতি, ধম্মেন অব্ভেতি. সো, ভিক্খৱে, ভিক্খু ৱিসুদ্ধো তাহি আপত্তীহি [অযং পঠমৱাৰো সী স্যা. পোত্থকেসু পৰিপুণ্ণো দিস্সতি].

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণা পটিচ্ছন্নাযো. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি, অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং দেতি. সো পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণা পটিচ্ছন্নাযো. সো তস্মিং ভূমিযং ঠিতো পুৰিমাআপত্তীনং [পুৰিমানং আপত্তীনং (ক.)] অন্তৰাআপত্তিযো সৰতি, অপৰাআপত্তীনং অন্তৰাআপত্তিযো সৰতি. তস্স এৱং হোতি – ‘অহং খো সম্বহুলা সঙ্ঘাদিসেসা আপত্তিযো আপজ্জিং পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সোহং সঙ্ঘং তাসং আপত্তীনং সমোধানপৰিৱাসং যাচিং. তস্স মে সঙ্ঘো তাসং আপত্তীনং সমোধানপৰিৱাসং অদাসি. সোহং পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণা পটিচ্ছন্নাযো. সোহং সঙ্ঘং অন্তৰাআপত্তীনং মূলাযপটিকস্সনং যাচিং. তং মং সঙ্ঘো অন্তৰাআপত্তীনং মূলাযপটিকস্সি, অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং অদাসি. সোহং পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণা পটিচ্ছন্নাযো. সোহং তস্মিং ভূমিযং ঠিতো পুৰিমাপত্তীনং অন্তৰাআপত্তিযো সৰামি, অপৰাআপত্তীনং অন্তৰাআপত্তিযো সৰামি. যংনূনাহং সঙ্ঘং পুৰিমাপত্তীনং অন্তৰাআপত্তীনঞ্চ, অপৰা আপত্তীনং অন্তৰাআপত্তীনঞ্চ, মূলাযপটিকস্সনং যাচেয্যং ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং, ধম্মেন মানত্তং, ধম্মেন অব্ভান’ন্তি. সো সঙ্ঘং পুৰিমাপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ মূলাযপটিকস্সনং যাচতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং, ধম্মেন মানত্তং, ধম্মেন অব্ভানং. তং সঙ্ঘো পুৰিমাপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ, মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি, ধম্মেন মানত্তং দেতি, ধম্মেন অব্ভেতি. সো, ভিক্খৱে, ভিক্খু ৱিসুদ্ধো তাহি আপত্তীহি.

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণা পটিচ্ছন্নাযোপি অপ্পটিচ্ছন্নাযোপি. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং দেতি. সো পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণা পটিচ্ছন্নাযোপি অপ্পটিচ্ছন্নাযোপি. সো তস্মিং ভূমিযং ঠিতো পুৰিমাপত্তীনং অন্তৰাআপত্তিযো সৰতি, অপৰাআপত্তীনং অন্তৰাআপত্তিযো সৰতি. তস্স এৱং হোতি – ‘অহং খো সম্বহুলা সঙ্ঘাদিসেসা আপত্তিযো আপজ্জিং পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সোহং সঙ্ঘং তাসং আপত্তীনং সমোধানপৰিৱাসং যাচিং. তস্স মে সঙ্ঘো তাসং আপত্তীনং সমোধানপৰিৱাসং অদাসি. সোহং পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণা পটিচ্ছন্নাযোপি অপ্পটিচ্ছন্নাযোপি. সোহং সঙ্ঘং অন্তৰাআপত্তীনং মূলাযপটিকস্সনং যাচিং. তং মং সঙ্ঘো অন্তৰাআপত্তীনং মূলায পটিকস্সি অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং অদাসি. সোহং পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণা পটিচ্ছন্নাযোপি অপ্পটিচ্ছন্নাযোপি. সোহং তস্মিং ভূমিযং ঠিতো পুৰিমাপত্তীনং অন্তৰাআপত্তিযো সৰামি, অপৰাআপত্তীনং অন্তৰাআপত্তিযো সৰামি. যংনূনাহং সঙ্ঘং পুৰিমাপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ, মূলাযপটিকস্সনং যাচেয্যং ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং, ধম্মেন মানত্তং, ধম্মেন অব্ভান’ন্তি. সো সঙ্ঘং পুৰিমাপত্তীনং অন্তৰা আপত্তীনঞ্চ, অপৰা আপত্তীনং অন্তৰা আপত্তীনঞ্চ, মূলাযপটিকস্সনং যাচতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং, ধম্মেন মানত্তং, ধম্মেন অব্ভানং. তং সঙ্ঘো পুৰিমাপত্তীনং অন্তৰা আপত্তীনঞ্চ, অপৰা আপত্তীনং অন্তৰা আপত্তীনঞ্চ, মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি, ধম্মেন মানত্তং দেতি, ধম্মেন অব্ভেতি. সো, ভিক্খৱে, ভিক্খু ৱিসুদ্ধো তাহি আপত্তীহি.

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি অপৰিমাণাযো অপ্পটিচ্ছন্নাযো…পে… অপৰিমাণাযো পটিচ্ছন্নাযো…পে… অপৰিমাণাযো পটিচ্ছন্নাযোপি অপ্পটিচ্ছন্নাযোপি…পে… পৰিমাণাযোপি অপৰিমাণাযোপি অপ্পটিচ্ছন্নাযো. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সি অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং দেতি. সো পৰিৱসামীতি মঞ্ঞমানো…পে… তং সঙ্ঘো পুৰিমা আপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ, মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি, ধম্মেন মানত্তং দেতি, ধম্মেন অব্ভেতি. সো, ভিক্খৱে, ভিক্খু ৱিসুদ্ধো তাহি আপত্তীহি [ইমেপি চত্তাৰো ৱাৰা সী. স্যা. পোত্থকেসু পৰিপুণ্ণা দিস্সন্তি].

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযোপি অপৰিমাণাযোপি পটিচ্ছন্নাযো. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং দেতি. সো পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযোপি অপৰিমাণাযোপি পটিচ্ছন্নাযো. সো তস্মিং ভূমিযং ঠিতো পুৰিমা আপত্তীনং অন্তৰাআপত্তিযো সৰতি, অপৰাআপত্তীনং অন্তৰাআপত্তিযো সৰতি. তস্স এৱং হোতি – ‘অহং খো সম্বহুলা সঙ্ঘাদিসেসা আপত্তিযো আপজ্জিং পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সোহং সঙ্ঘং তাসং আপত্তীনং সমোধানপৰিৱাসং যাচিং. তস্স মে সঙ্ঘো তাসং আপত্তীনং সমোধানপৰিৱাসং অদাসি. সোহং পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণাযোপি অপৰিমাণাযোপি পটিচ্ছন্নাযো. সোহং সঙ্ঘং অন্তৰাআপত্তীনং মূলাযপটিকস্সনং যাচিং. তং মং সঙ্ঘো অন্তৰাআপত্তীনং মূলাযপটিকস্সি অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং অদাসি. সোহং পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণাযোপি অপৰিমাণাযোপি পটিচ্ছন্নাযো. সোহং তস্মিং ভূমিযং ঠিতো পুৰিমা আপত্তীনং অন্তৰাআপত্তিযো সৰামি, অপৰাআপত্তীনং অন্তৰাআপত্তিযো সৰামি. যংনূনাহং সঙ্ঘং পুৰিমা আপত্তীনং অন্তৰা পত্তীনঞ্চ, অপৰাআপত্তীন অন্তৰাআপত্তীনঞ্চ, মূলাযপটিকস্সনং যাচেয্যং ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং, ধম্মেন মানত্তং, ধম্মেন অব্ভান’ন্তি. সো সঙ্ঘং পুৰিমা আপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ, মূলাযপটিকস্সনং যাচতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং, ধম্মেন মানত্তং, ধম্মেন অব্ভানং. তং সঙ্ঘো পুৰিমা আপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ, মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি, ধম্মেন মানত্তং দেতি, ধম্মেন অব্ভেতি. সো, ভিক্খৱে, ভিক্খু ৱিসুদ্ধো তাহি আপত্তীহি.

‘‘ইধ পন, ভিক্খৱে, ভিক্খু সম্বহুলা সঙ্ঘাদিসেসা আপত্তিযো আপজ্জতি পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সো সঙ্ঘং তাসং আপত্তীনং সমোধানপৰিৱাসং যাচতি. তস্স সঙ্ঘো তাসং আপত্তীনং সমোধানপৰিৱাসং দেতি. সো পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযোপি অপৰিমাণাযোপি পটিচ্ছন্নাযোপি অপ্পটিচ্ছন্নাযোপি. সো সঙ্ঘং অন্তৰাআপত্তীনং মূলাযপটিকস্সনং যাচতি. তং সঙ্ঘো অন্তৰাআপত্তীনং মূলায পটিকস্সতি অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং দেতি. সো পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জতি পৰিমাণাযোপি অপৰিমাণাযোপি পটিচ্ছন্নাযোপি অপ্পটিচ্ছন্নাযোপি. সো তস্মিং ভূমিযং ঠিতো পুৰিমা আপত্তীনং অন্তৰাআপত্তিযো সৰতি, অপৰাআপত্তীনং অন্তৰাআপত্তিযো সৰতি. তস্স এৱং হোতি – ‘অহং খো সম্বহুলা সঙ্ঘাদিসেসা আপত্তিযো আপজ্জিং পৰিমাণম্পি অপৰিমাণম্পি…পে… ৱৱত্থিতম্পি সম্ভিন্নম্পি. সোহং সঙ্ঘং তাসং আপত্তীনং সমোধানপৰিৱাসং যাচিং. তস্স মে সঙ্ঘো তাসং আপত্তীনং সমোধানপৰিৱাসং অদাসি. সোহং পৰিৱসন্তো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণাযোপি অপৰিমাণাযোপি পটিচ্ছন্নাযোপি অপ্পটিচ্ছন্নাযোপি. সোহং সঙ্ঘং অন্তৰাআপত্তীনং মূলাযপটিকস্সনং যাচিং. তং মং সঙ্ঘো অন্তৰাআপত্তীনং মূলায পটিকস্সি অধম্মিকেন কম্মেন কুপ্পেন অট্ঠানাৰহেন, অধম্মেন সমোধানপৰিৱাসং অদাসি. সোহং পৰিৱসামীতি মঞ্ঞমানো অন্তৰা সম্বহুলা সঙ্ঘাদিসেসা আপত্তিযো আপজ্জিং পৰিমাণাযোপি অপৰিমাণাযোপি পটিচ্ছন্নাযোপি অপ্পটিচ্ছন্নাযোপি. সোহং তস্মিং ভূমিযং ঠিতো পুৰিমা আপত্তীনং অন্তৰাআপত্তিযো সৰামি, অপৰাআপত্তীনং অন্তৰাআপত্তিযো সৰামি. যংনূনাহং সঙ্ঘং পুৰিমাপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ, মূলাযপটিকস্সনং যাচেয্যং ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং, ধম্মেন মানত্তং, ধম্মেন অব্ভান’ন্তি. সো সঙ্ঘং পুৰিমা আপত্তীনং অন্তৰাআপত্তীনঞ্চ, অপৰাআপত্তীনং অন্তৰাআপত্তীনঞ্চ, মূলায পটিকস্সনং যাচতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং, ধম্মেন মানত্তং, ধম্মেন অব্ভানং. তং সঙ্ঘো পুৰিমা আপত্তীনং অন্তৰা আপত্তীনঞ্চ, অপৰা আপত্তীনং অন্তৰা আপত্তীনঞ্চ, মূলায পটিকস্সতি ধম্মিকেন কম্মেন অকুপ্পেন ঠানাৰহেন, ধম্মেন সমোধানপৰিৱাসং দেতি, ধম্মেন মানত্তং দেতি, ধম্মেন অব্ভেতি. সো, ভিক্খৱে, ভিক্খু ৱিসুদ্ধো তাহি আপত্তীহি’’.

ততিযনৱকং নিট্ঠিতং.

সমুচ্চযক্খন্ধকো ততিযো.

তস্সুদ্দানং –

অপ্পটিচ্ছন্না একাহ-দ্ৱীহ-তীহ-চতূহ চ;

পঞ্চাহপক্খদসন্নং, আপত্তিমাহ মহামুনি.

সুদ্ধন্তো চ ৱিব্ভমন্তো, পৰিমাণমুখং দ্ৱে ভিক্খূ;

তত্থ সঞ্ঞিনো দ্ৱে যথা, ৱেমতিকা তথেৱ চ.

মিস্সকদিট্ঠিনো দ্ৱে চ, অসুদ্ধকেকদিট্ঠিনো;

দ্ৱে চেৱ সুদ্ধদিট্ঠিনো.

তথেৱ চ একো ছাদেতি, অথ মক্খমতেন চ;

উম্মত্তকদেসনঞ্চ, মূলা অট্ঠাৰস [পন্নৰস (ক.)] ৱিসুদ্ধতো.

আচৰিযানং ৱিভজ্জপদানং [ৱিভজ্জৱাদীনং (সী.)], তম্বপণ্ণিদীপপসাদকানং;

মহাৱিহাৰৱাসীনং, ৱাচনা সদ্ধম্মট্ঠিতিযাতি.

সমুচ্চযক্খন্ধকং নিট্ঠিতং.