১১. দুতিযসঙ্ঘভেদসিক্খাপদৱণ্ণনা

৪১৭-৪১৮. একাদসমে যং ৱচনং সমগ্গেপি ৱগ্গে অৱযৱভূতে কৰোতি ভিন্দতি, তং কলহকাৰকৱচনং ইধ ৱগ্গন্তি ৱুচ্চতীতি আহ ‘‘ৱগ্গং অসামগ্গিপক্খিযৱচনং ৱদন্তী’’তি. অসামগ্গিপক্খে ভৱা অসামগ্গিপক্খিযা, কলহকা. তেসং ৱচনং অসামগ্গিপক্খিযৱচনং, অসামগ্গিপক্খে ৱা ভৱং ৱচনং অসামগ্গিপক্খিযৱচনং. যস্মা উব্বাহিকাদিকম্মং বহূনম্পি কাতুং ৱট্টতি, তস্মা ‘‘ন হি সঙ্ঘো সঙ্ঘস্স কম্মং কৰোতী’’তি ইদং নিগ্গহৱসেন কত্তব্বকম্মং সন্ধায ৱুত্তন্তি ৱেদিতব্বং. অঙ্গানি পনেত্থ ভেদায পৰক্কমনং পহায অনুৱত্তনং পক্খিপিত্ৱা হেট্ঠা ৱুত্তসদিসানেৱ.

দুতিযসঙ্ঘভেদসিক্খাপদৱণ্ণনা নিট্ঠিতা.