অধিকৰণপচ্চযকথাৱণ্ণনা

২৮৫. ৱিৱাদাধিকৰণম্হাতি ‘‘অধম্মং ‘ধম্মো’তি দীপেতী’’তিআদিনযপ্পৱত্তা অট্ঠাৰসভেদকৰৱত্থুনিস্সিতা ৱিৱাদাধিকৰণম্হা.

২৮৬. উপসম্পন্নং ওমসতো ভিক্খুস্স পাচিত্তি হোতীতি যোজনা.

২৮৭. অনুৱাদাধিকৰণপচ্চযাতি চোদনাপৰনামধেয্যং অনুৱাদাধিকৰণমেৱ পচ্চযো, তস্মা, অনুৱাদনাধিকৰণহেতূতি অত্থো.

২৮৯. ‘‘তথা’’তি ইমিনা অমূলকত্তং অতিদিসতি.

২৯০. আপত্তিপচ্চযাতি আপত্তাধিকৰণপচ্চযা.

২৯৩. কিচ্চাধিকৰণপচ্চযাতি অপলোকনাদিচতুব্বিধকম্মসঙ্খাতকিচ্চাধিকৰণহেতু.

২৯৪. অচ্চজন্তীৱাতি অত্তনো লদ্ধিং অপৰিচ্চজন্তী এৱ.

২৯৭. পাপিকায দিট্ঠিযা পৰিচ্চজনত্থায কতায যাৱততিযকং সমনুভাসনায তং দিট্ঠিং অচ্চজন্তিযা তস্সা ভিক্খুনিযা, তস্স ভিক্খুস্স চ অচ্চজতো পাচিত্তি হোতীতি যোজনা.

ইতি উত্তৰে লীনত্থপকাসনিযা

অধিকৰণপচ্চযকথাৱণ্ণনা নিট্ঠিতা.