৬. ছট্ঠসিক্খাপদৱণ্ণনা

৮৬০. ‘‘নিসীদন্তিযা একা, নিপজ্জন্তিযা একা’’তি অৱত্ৱা ‘‘নিসীদিত্ৱা গচ্ছন্তিযা’’তিআদি ন ৱত্তব্বং. ন হি গমনপচ্চযা এসা আপত্তীতি? ন, পৰিযোসানাধিপ্পাযৱসেন ৱুত্তত্তা. ‘‘নিসীদিত্ৱা নিপজ্জন্তিযা দ্ৱে’’তি ৱচনেনপি গমনং ইধ নাধিপ্পেতন্তি দস্সিতং হোতি, তথা ‘‘নিপজ্জিত্ৱা নিসীদন্তিযা দ্ৱে’’তিপি ৱত্তব্বং. যদি এৱং ‘‘তস্মিং অভিনিপজ্জতি, আপত্তি দ্ৱিন্নং পাচিত্তিযান’’ন্তি কস্মা ন ৱুত্তন্তি চে? অনিসীদিত্ৱাপি নিপজ্জনসম্ভৱতো. নিপজ্জনত্থায নিসীদিত্ৱা নিপজ্জন্তিযা নিপজ্জনকপযোগত্তা একা আপত্তীতি কেচি.

ছট্ঠসিক্খাপদৱণ্ণনা নিট্ঠিতা.