৬. থেয্যসত্থসিক্খাপদৱণ্ণনা

৪০৯. থেয্যসত্থো চে সুদ্ধমাতুগামো দ্ৱে আপত্তিযো. অথ ভিক্খুনিযো, সমযো ৰক্খতি. থেয্যসত্থভাৱস্স ঠানং কত্ৱা ৰক্খণীযত্তা সহধম্মিকানং ৰক্খতিযেৱাতি একে. থেয্যভাৱে ন সহধম্মিকতা, তস্মা ন ৰক্খতি এৱাতি একে. অপাৰাজিকথেয্যভাৱে সতি সহধম্মিকভাৱোতি চে? ইতৰস্মিং ইতৰন্তি সমযো অনিস্সটো আপজ্জতি. ভিক্খু থেয্যসত্থো চে, যথাৱত্থুকমেৱ. থেয্যসত্থে থেয্যসত্থসঞ্ঞী সদ্ধিং সংৱিধাযাতি চ. ‘‘সদ্ধি’’ন্তি পদং কেসুচি নত্থি, তং অননুৰূপং. তথা দুতিযেপি.

থেয্যসত্থসিক্খাপদৱণ্ণনা নিট্ঠিতা.