২. অঞ্ঞৱাদকসিক্খাপদৱণ্ণনা

৯৮-৯. অঞ্ঞং ৱদতীতি অঞ্ঞৱাদকং, ‘‘ৱচনং কৰেয্যা’’তি লিখিতং. ‘‘তুণ্হীভূতস্সেতং নাম’’ন্তি পাঠো. উগ্ঘাতেতুকামোতি সমোহনিতুকামো, অন্তৰাযং কত্তুকামোতি পোৰাণা.

১০০. ‘‘সুদিট্ঠো ভন্তে, ন পনেসো কহাপণোতিআদীসু অনাৰোপিতে দুক্কটেন মুসাৱাদপাচিত্তিযং, অৰোপিতে পাচিত্তিযদ্ৱযং হোতী’’তি ৱদন্তি, ৱীমংসিতব্বং.

১০২. অধম্মেন ৱা ৱগ্গেন ৱা ন কম্মাৰহস্স ৱাতি এত্থ ‘‘মযি ৱুত্তে মং ৱা অঞ্ঞং ৱা সঙ্ঘো অধম্মেন ৱা কম্মং, ৱগ্গেন ৱা কম্মং কৰিস্সতি, ন কম্মাৰহস্স ৱা মে, অঞ্ঞস্স ৱা কম্মং কৰিস্সতী’’তি ন কথেতীতি যোজেতব্বং.

অঞ্ঞৱাদকসিক্খাপদৱণ্ণনা নিট্ঠিতা.