৬. সুৰুসুৰুৱগ্গৱণ্ণনা

৬২৭. ‘‘সুৰুসুৰু’’ন্তি চ ‘‘সুৰোসুৰো’’তি চ পাঠো. সীতীকতোতি সীতঙ্কো. ‘‘সিলকবুদ্ধোতি অৰিযানং পৰিহাসৱচনমেৱেত’’ন্তি লিখিতং.

৬৩১. পটিক্কূলৱসেনাতি এত্থ যদি পটিক্কূলৱসেন পটিক্খিত্তং, ‘‘সেয্যথাপি কামভোগিনো’’তি ন ৱত্তব্বং. ন হি তে পটিক্কূলং কৰোন্তীতি চে? ন, ইস্সৰিযলিঙ্গৱসেন গহণসম্ভৱতো. তে হি অনাদৰা হোন্তি. পত্তধোৱনন্তি পত্তধোৱনোদকং ভোজনপটিসংযুত্তং.

৬৩৪. ‘‘ছত্তপাদুকায’’ন্তি চ ‘‘ছত্তপাদে’’তি চ পাঠো.

৬৩৭. চাপোতি সত্তখাদনৱধো. ‘‘সেসা সব্বা ধনুৱিকতি কোদণ্ডে পৱিট্ঠা’’তি চ লিখিতং, পটিমুক্কন্তি পৱেসিতং, লগ্গিতং হোতীতি অত্থো.

সুৰুসুৰুৱগ্গৱণ্ণনা নিট্ঠিতা.