১১. অনুসযসুত্তৱণ্ণনা

২০০. দুতিযৱগ্গে অত্তনোতি আযস্মা ৰাহুলো অত্তনো সৱিঞ্ঞাণকং কাযং দস্সেতি. পৰস্সাতি পৰস্স অৱিঞ্ঞাণককাযং দস্সেতি. পৰসন্তানে ৱা অৰূপে ধম্মে অগ্গহেত্ৱা ৰূপকাযমেৱ গণ্হন্তো ৱদতি. অপৰে ‘‘অসঞ্ঞসত্তানং অত্তভাৱং সন্ধায তথা ৱুত্ত’’ন্তি ৱদন্তি. পুৰিমেনাতি ‘‘ইমস্মিং সৱিঞ্ঞাণকে কাযে’’তি ইমিনা পদেন. পচ্ছিমেনাতি ‘‘বহিদ্ধা’’তি ইমিনা পদেন. এতে কিলেসাতি এতে দিট্ঠিতণ্হামানসঞ্ঞিতা কিলেসা. এতেসু ৱত্থূসূতি অজ্ঝত্তবহিদ্ধাৱত্থূসু. সম্ম…পে… পস্সতীতি পুব্বভাগে ৱিপস্সনাঞাণেন সম্মসনৱসেন, মগ্গক্খণে অভিসমযৱসেন সুট্ঠু অত্তপচ্চক্খেন ঞাণেন পস্সতি.

অনুসযসুত্তৱণ্ণনা নিট্ঠিতা.