৭. নতুম্হসুত্তৱণ্ণনা

৩৭. ন তুম্হাকন্তি কাযস্স অনত্তনিযভাৱদস্সনমেৱ পনেতন্তি যা তস্স অনত্তনিযতা, তং দস্সেতুং ‘‘অত্তনি হী’’তিআদি ৱুত্তং. যদি ন অত্তনিযং, পৰকিযং নাম সিযাতি, তম্পি নত্থীতি দস্সেন্তো ‘‘নাপি অঞ্ঞেস’’ন্তি আহ. নযিদং পুৰাণকম্মমেৱাতি ‘‘ইদং কাযো’’তি ৱুত্তসৰীৰং পুৰাণকম্মমেৱ ন হোতি. ন হি কাযো ৱেদনাসভাৱো. পচ্চযৱোহাৰেনাতি কাৰণোপচাৰেন. অভিসঙ্খতন্তিআদি নপুংসকলিঙ্গৱচনং. পুৰিমলিঙ্গসভাগতাযাতি ‘‘পুৰাণমিদং কম্ম’’ন্তি এৱং ৱুত্তপুৰিমনপুংসকলিঙ্গসভাগতায. অঞ্ঞমঞ্ঞাভিমুখেহি সমেচ্চ পচ্চযেহি কতো অভিসঙ্খতোতি আহ ‘‘পচ্চযেহি কতোতি দট্ঠব্বো’’তি. অভিসঞ্চেতযিতন্তি তথা অভিসঙ্খতত্তসঙ্খাতেন অভিমুখভাৱেন চেতযিতং পকপ্পিতং, পৱত্তিতন্তি অত্থো. চেতনাৱত্থুকোতি চেতনাহেতুকো. ৱেদনিযন্তি ৱেদনায হিতং ৱত্থাৰম্মণভাৱেন ৱেদনায পচ্চযভাৱতো. তেনাহ ‘‘ৱেদনিযৱত্থূ’’তি.

নতুম্হসুত্তৱণ্ণনা নিট্ঠিতা.