১০. ততিযচেতনাসুত্তৱণ্ণনা

৪০. ৰূপাদীসু ছসু আৰম্মণেসু. তেন চেত্থ ভৱত্তযং সঙ্গণ্হাতি ছড়াৰম্মণপৰিযাপন্নত্তা. তস্সেৱ ভৱত্তযস্স পত্থনা পণিধানাদিৱসেন নতি নাম. আগতিম্হি গতীতি পচ্চুপট্ঠানৱসেন অভিমুখং গতি পৱত্তি এতস্মাতি আগতি, কম্মাদিনিমিত্তং. তস্মিং পটিসন্ধিৱিঞ্ঞাণস্স গতি পৱত্তি নিব্বত্তি হোতি. তেনাহ ‘‘আগতে’’তিআদি. চুতূপপাতোতি চৱনং চুতি, মৰণং. উপপজ্জনং নিব্বত্তি, উপপাতো. চুতিতো উপপাতো পুনৰুপ্পাদো. তেনাহ ‘‘এৱং ৱিঞ্ঞাণস্সা’’তিআদি. ইতোতি নিব্বত্তভৱতো. তত্থাতি পুনব্ভৱসঙ্খাতে আযতিভৱে. একোৱ সন্ধীতি একো হেতুফলসন্ধি এৱ কথিতো.

ততিযচেতনাসুত্তৱণ্ণনা নিট্ঠিতা.

কড়াৰখত্তিযৱগ্গৱণ্ণনা নিট্ঠিতা.