৫. পঞ্চমসিক্খাপদং

৮১০. পঞ্চমে ‘‘অতিগম্ভীৰ’’ন্তিপদং কিৰিযাৱিসেসনন্তি আহ ‘‘অতিঅন্তো পৱেসেত্ৱা’’তি. ‘‘উদকেন ধোৱনং কুৰুমানা’’তি ইমিনা ‘‘উদকসুদ্ধিক’’ন্তিপদস্স উদকেন সুদ্ধিযা কৰণন্তি অত্থং দস্সেতি.

৮১২. দ্ৱঙ্গুলপব্বপৰমন্তি এত্থ দ্ৱে অঙ্গুলানি চ দ্ৱে পব্বানি চ দ্ৱঙ্গুলপব্বং, উত্তৰপদে পুব্বপদলোপো. দ্ৱঙ্গুলপব্বং পৰমং পমাণং এতস্স উদকসুদ্ধিকস্সাতি দ্ৱঙ্গুলপব্বপৰমং. ৱিত্থাৰতো দ্ৱঙ্গুলপৰমং, গম্ভীৰতো দ্ৱিপব্বপৰমন্তি ৱুত্তং হোতি. তেনাহ ‘‘ৱিত্থাৰতো’’তিআদি. অঙ্গুলং পৱেসেন্তিযাতি সম্বন্ধো. হীতি সচ্চং. ‘‘চতুন্নং ৱা’’তি ইদং উক্কট্ঠৱসেন ৱুত্তং, তিণ্ণম্পি পব্বং ন ৱট্টতি, চতুন্নং পন পগেৱাতি অত্থোতি. পঞ্চমং.