১৩. সোধনহাৰৱিভঙ্গৱণ্ণনা

৪৫. সোধেতি নামাতি পুচ্ছিতমত্থং হত্থতলে ঠপিতআমলকং ৱিয পচ্চক্খতো দস্সেন্তো নিগ্গুম্বং নিজ্জটং কত্ৱা ৱিৱৰন্তো তব্বিসযঅঞ্ঞাণসংসযাদিমলাপনযনেন সোধেতি, এৱং সোধেন্তো চ পদস্স অত্থেন অভেদোপচাৰং কত্ৱা ‘‘পদং সোধেতি’’চ্চেৱ ৱুচ্চতি. তেনাহ ‘‘পদং সোধেতি নামা’’তি. পুচ্ছায ৱিস্সজ্জনমেৱেত্থ সোধনন্তি আহ ‘‘তদত্থস্স ৱিস্সজ্জনতো’’তি. আৰভীযতীতি আৰম্ভো, দেসনায পকাসিযমানো অত্থো. তেনাহ ‘‘ন তাৱ…পে… পবোধিতত্তা’’তি. ইধ সোধনং নাম পটিচ্ছন্নৰূপস্স অত্থস্স দেসনানুভাৱেন ৱিৱটভাৱকৰণন্তি তমত্থং উপমায ৱিভাৱেতুং ‘‘অঞ্ঞাণপক্খন্দান’’ন্তিআদি ৱুত্তং.

সোধনহাৰৱিভঙ্গৱণ্ণনা নিট্ঠিতা.