৪. অত্তকামসিক্খাপদৱণ্ণনা

দুট্ঠুল্লোভাসনে ৱুত্তপ্পকাৰাযাতি দুট্ঠুল্লাদুট্ঠুল্লজাননসমত্থায. পৰস্স ভিক্খুনো অত্তকামপাৰিচৰিযায ৱণ্ণভণনে দুক্কটং, ‘‘যো তে ৱিহাৰে ৱসতি, তস্স অগ্গদানং মেথুনং ধম্মং দেহী’’তি পৰিযাযৱচনেপি দুক্কটং, ‘‘অত্তকামপাৰিচৰিযায ৱণ্ণং ভাসেয্য, যা মাদিসং সীলৱন্ত’’ন্তি চ ৱুত্তত্তাতি একে. পঞ্চসু অঙ্গেসু সব্ভাৱা সঙ্ঘাদিসেসোৱাতি একে, ৱিচাৰেত্ৱা গহেতব্বং. ‘‘ইমস্মিং সিক্খাপদদ্ৱযে কাযসংসগ্গে ৱিয যক্খিপেতীসুপি দুট্ঠুল্লত্তকআমৱচনে থুল্লচ্চযন্তি ৱদন্তি. অট্ঠকথাসু পন নাগত’’ন্তি (ৱজিৰ. টী. পাৰাজিক ২৯৫) লিখিতং. উভতোব্যঞ্জনকো পন পণ্ডকগতিকোৱ.

অত্তকামসিক্খাপদৱণ্ণনা নিট্ঠিতা.