৪. তুৱট্টৱগ্গো

১-৩. একমঞ্চতুৱট্টনাদিসিক্খাপদৱণ্ণনা

পঠমং উত্তানত্থমেৱ.

ৱৱত্থানং দস্সেত্ৱাতি (পাচি. অট্ঠ. ৯৪০) মজ্ঝে কাসাযং ৱা কত্তৰযট্ঠিং ৱা অন্তমসো কাযবন্ধনম্পি ঠপেত্ৱা নিপজ্জন্তীনং অনাপত্তীতি অত্থো.

ততিযং উত্তানত্থমেৱ.

একমঞ্চতুৱট্টনাদিসিক্খাপদৱণ্ণনা নিট্ঠিতা.

৪-৯. নউপট্ঠাপনাদিসিক্খাপদৱণ্ণনা

পৰিযেসিত্ৱা অলভন্তিযাতি অঞ্ঞং উপট্ঠাযিকং অলভন্তিযা. গিলানাযাতি সযং গিলানায. আপদাসূতি তথাৰূপে উপদ্দৱে সতি.

পঞ্চমছট্ঠসত্তম অট্ঠমনৱমানি উত্তানত্থানেৱ.

নউপট্ঠাপনাদিসিক্খাপদৱণ্ণনা নিট্ঠিতা.

১০. চাৰিকনপক্কমনসিক্খাপদৱণ্ণনা

ধুৰে নিক্খিত্তমত্তেতি সচে ধুৰং নিক্খিপিত্ৱা পচ্ছা পক্কমতি, আপত্তিযেৱাতি অত্থো. অন্তৰাযে সতীতি দসৱিধেসু অন্তৰাযেসু অঞ্ঞতৰস্মিং সতি. ‘‘গচ্ছিস্সামী’’তি নিক্খন্তা, নদী ৱা পূৰা, ৱনদাহো ৱা আগতো, চোৰা ৱা মগ্গে হোন্তি, মেঘো ৱা উট্ঠহতি, নিৱত্তিতুং ৱট্টতি.

চাৰিকনপক্কমনসিক্খাপদৱণ্ণনা নিট্ঠিতা.

তুৱট্টৱগ্গো চতুত্থো.