১. সঞ্চিচ্চসিক্খাপদৱণ্ণনা

সপ্পাণকৱগ্গস্স পঠমে পাণোতি তিৰচ্ছানগতপাণো অধিপ্পেতো. তং খুদ্দকম্পি মহন্তম্পি মাৰেন্তস্স পাচিত্তিযমেৱ, মহন্তে পন উপক্কমমহন্ততায অকুসলং মহন্তং হোতি.

সাৱত্থিযং উদাযিত্থেৰং আৰব্ভ পাণং জীৱিতা ৱোৰোপনৱত্থুস্মিং পঞ্ঞত্তং, সাধাৰণপঞ্ঞত্তি, সাণত্তিকং, পাণে ৱেমতিকস্স, অপাণে পাণসঞ্ঞিনো, ৱেমতিকস্স ৱা দুক্কটং. অপাণসঞ্ঞিস্স, অসঞ্চিচ্চ, অজানন্তস্স, নমৰণাধিপ্পাযস্স, উম্মত্তকাদীনঞ্চ অনাপত্তি. সেসং মনুস্সৱিগ্গহে ৱুত্তনযমেৱাতি.

সঞ্চিচ্চসিক্খাপদৱণ্ণনা নিট্ঠিতা.