২. অঙ্গুলিপতোদকসিক্খাপদৱণ্ণনা

দুতিযে অঙ্গুলিপতোদকেতি অঙ্গুলীহি উপকচ্ছকাদিঘট্টনং ৱুচ্চতি, অপিচ যেন কেনচি সৰীৰাৱযৱেন হসাধিপ্পাযস্স উপসম্পন্নং ফুসতো পাচিত্তিযং.

সাৱত্থিযং ছব্বগ্গিযে আৰব্ভ অঙ্গুলিপতোদকেন হসনৱত্থুস্মিং পঞ্ঞত্তং, সাধাৰণপঞ্ঞত্তি, অনাণত্তিকং, তিকপাচিত্তিযং, অনুপসম্পন্নে তিকদুক্কটং, ইধ পন ভিক্খুনীপি ভিক্খুস্স, ভিক্খু চ ভিক্খুনিযা অনুপসম্পন্নো এৱ, কাযপ্পটিবদ্ধাদীসু সব্বত্থ দুক্কটমেৱ. ন হসনাধিপ্পাযস্স, সতি কৰণীযে আমসতো, উম্মত্তকাদীনঞ্চ অনাপত্তি. হসাধিপ্পাযতা, উপসম্পন্নস্স কাযেন কাযামসনন্তি ইমানেত্থ দ্ৱে অঙ্গানি. সমুট্ঠানাদীনি পঠমপাৰাজিকসদিসানেৱাতি.

অঙ্গুলিপতোদকসিক্খাপদৱণ্ণনা নিট্ঠিতা.