২. সম্বাধলোমসিক্খাপদৱণ্ণনা

দুতিযে সম্বাধেতি পটিচ্ছন্নোকাসে, উপকচ্ছকেসু চ মুত্তকৰণে চাতি অত্থো. সংহৰাপেয্যাতি এত্থ খুৰসণ্ডাসকত্তৰিআদীসু যেন কেনচি সংহৰাপেন্তিযা পযোগগণনায পাচিত্তিযং, ন লোমগণনায.

সাৱত্থিযং ছব্বগ্গিযা ভিক্খুনিযো আৰব্ভ সম্বাধে লোমং সংহৰাপনৱত্থুস্মিং পঞ্ঞত্তং, অত্তনো অত্থায অঞ্ঞং আণাপেন্তিযা সাণত্তিকং, আপত্তিভেদোনত্থি. আবাধপচ্চযা, উম্মত্তিকাদীনঞ্চ অনাপত্তি. আবাধাভাৱো, সম্বাধে লোমসংহৰণন্তি ইমানেত্থ দ্ৱে অঙ্গানি. সমুট্ঠানাদীনি ভিক্খুনিযা সদ্ধিং একদ্ধানমগ্গগমনসিক্খাপদসদিসানীতি.

সম্বাধলোমসিক্খাপদৱণ্ণনা নিট্ঠিতা.