৪. চতুক্কনিদ্দেসৱণ্ণনা

৯৩৯. এৱং-সদ্দেনাতি নিদস্সনত্থেন এৱং-সদ্দেনাতি অধিপ্পাযো. ভৱো এৱ অভিৱুদ্ধো অভৱো যথা ‘‘অসেক্খা ধম্মা’’তি (ধ. স. তিকমাতিকা ১১). দুতিযস্মিং পক্খে ভৱাভৱসদ্দেন সম্পত্তিৱিপত্তিযো, ৱুদ্ধিহানিযো ৱা ৱুত্তাতি ৱেদিতব্বা.

অগতিযাতি অযুত্তগতিযা, অপ্পতিৰূপকিৰিযাযাতি অত্থো.

কোধূপাযাস…পে… মাতুগামা ৱা ঊমিআদিভযন্তি যোজনা. পঞ্চকামগুণমাতুগামগ্গহণেতি পঞ্চকামগুণগ্গহণে, মাতুগামগ্গহণে চ.

‘‘সযংকতং সুখদুক্খ’’ন্তিআদিকা দিট্ঠি যদিপি অঞ্ঞেসম্পি দিট্ঠিগতিকানং অত্থেৱ, তিম্বৰুকো পন তথাদিট্ঠিকো ভগৱন্তং উপসঙ্কমিত্ৱা পুচ্ছীতি সা দিট্ঠি ‘‘তিম্বৰুকদিট্ঠী’’তি (সং. নি. ২.১৮) ৱুত্তা. তেনাহ ‘‘তিম্বৰুকো…পে… আগতত্তা’’তি.

চতুক্কনিদ্দেসৱণ্ণনা নিট্ঠিতা.