৫. পঞ্চকনিদ্দেসৱণ্ণনা

৮০৪. তমেৱ পঞ্ঞং ‘‘দ্ৱীসু ঝানেসু পঞ্ঞা পীতিফৰণেনা’’তিআদিনা ৱিভজতি. অভিসন্দনপৰিসন্দনপৰিপূৰণানিপি পৰিপ্ফৰণং ৱিয ফৰণাপীতিযা, তংসহগতসুখস্স চ কিচ্চৱিসেসভূতানি অধিপ্পেতানীতি আহ ‘‘অভিসন্দেতীতি…পে… ৱেদিতব্ব’’ন্তি. আদিনা নযেনাতি ‘‘অভিসন্দেতী’’তিআদিনা (দী. নি. ১.২২৬; ম. নি. ১.৪২৭) সুত্তে আগতনযেন. ফৰণঞ্চেত্থ পীতিসুখসমুট্ঠিতপণীতৰূপেহি কাযস্স অভিব্যাপনং দট্ঠব্বং. আৰম্মণেতি পীতিফৰণতাসুখফৰণতাসীসেন ৱুত্তানং তিকদুকঝানানং আৰম্মণে. তাতি পীতিফৰণতাসুখফৰণতা.

সমাধিমুখেনাতি সমাধিং মুখং পমুখং কত্ৱা, সমাধিসীসেনাতি অত্থো, সমাধিপমুখেন ৱা উদ্দেসনিদ্দেসেন. অঞ্ঞে কিলেসা দিট্ঠিমানাদযো. অপ্পযোগেনাতি ঝানৱিমোক্খাদীনং ৱিয উপ্পাদনীযপৰিকম্মপযোগেন ৱিনা. আৱজ্জনাসদিসো হি ফলসমাপত্তিঅত্থো সম্মসনচাৰো. ঠপিতত্তাতি পৱত্তিতত্তা. সতিবহুলতাযাতি সতিযা অভিণ্হুপ্পত্তিযা. পৰিচ্ছিন্দনসতিযা কালস্স সতোতি দস্সেতীতি যোজনা.

পঞ্চকনিদ্দেসৱণ্ণনা নিট্ঠিতা.