১. সুদ্ধব্ৰহ্মচৰিযকথাৱণ্ণনা

২৬৯. ‘‘পৰনিম্মিতৱসৱত্তিদেৱে উপাদায তদুপৰী’’তি ৱুত্তং, ‘‘তীহি, ভিক্খৱে, ঠানেহী’’তি (অ. নি. ৯.২১) পন সুত্তস্স ৱচনেন হেট্ঠাপি মগ্গভাৱনম্পি ন ইচ্ছন্তীতি ৱিঞ্ঞাযতি.

২৭০. ‘‘গিহীনঞ্চেৱ একচ্চানঞ্চ দেৱানং মগ্গপটিলাভং সন্ধায পটিক্খেপো তস্সেৱা’’তি ৱুত্তং, ‘‘যত্থ নত্থী’’তি পন ওকাসৱসেন পুট্ঠো পুগ্গলৱসেন তস্স পটিক্খেপো ন যুত্তো. যদি চ তস্সাযং অধিপ্পাযো, সকৱাদিনা সমানাধিপ্পাযত্তা ন নিগ্গহেতব্বো.

২৭১. একন্তৰিকপঞ্হাতি পৰৱাদীসকৱাদীনং অঞ্ঞমঞ্ঞং পঞ্হন্তৰিকা পঞ্হা.

সুদ্ধব্ৰহ্মচৰিযকথাৱণ্ণনা নিট্ঠিতা.