২. সংসন্দনব্ৰহ্মচৰিযকথাৱণ্ণনা

২৭৩. ৰূপাৱচৰমগ্গেন হি সো ইধৱিহাযনিট্ঠো নাম জাতোতি ইদং ‘‘ইধ ভাৱিতমগ্গো হি অনাগামী ইধৱিহাযনিট্ঠো নাম হোতী’’তিআদিকেন লদ্ধিকিত্তনেন কথং সমেতীতি ৱিচাৰেতব্বং. পুব্বে পন অনাগামী এৱ অনাগামীতি ৱুত্তো, ইধ ঝানানাগামিসোতাপন্নাদিকোতি অধিপ্পাযো. ইধ অৰহত্তমগ্গং ভাৱেত্ৱা ইধেৱ ফলং সচ্ছিকৰোন্তং ‘‘ইধপৰিনিব্বাযী’’তি ৱদতি, ইধ পন মগ্গং ভাৱেত্ৱা তত্থ ফলং সচ্ছিকৰোন্তং ‘‘তত্থপৰিনিব্বাযী অৰহা’’তি.

সংসন্দনব্ৰহ্মচৰিযকথাৱণ্ণনা নিট্ঠিতা.

ব্ৰহ্মচৰিযকথাৱণ্ণনা নিট্ঠিতা.