৫-৬. উপৱাণসুত্তাদিৱণ্ণনা

১৭৫-৬. পঞ্চমে ৱিজ্জাযাতি দিব্বচক্খুপুব্বেনিৱাসানুস্সতিআসৱক্খযঞাণসঙ্খাতায তিৱিধায ৱিজ্জায, অট্ঠৱিধায ৱা. অট্ঠৱিধাপি হি ৱিজ্জা ৱিপস্সনাঞাণেন মনোমযিদ্ধিযা চ সহ অভিঞ্ঞা পৰিগ্গহেত্ৱা ৱুত্তা. পন্নৰসধম্মভেদেন চৰণেন সমন্নাগতোতি সীলসংৱৰো, ইন্দ্ৰিযেসু গুত্তদ্ৱাৰতা, ভোজনে মত্তঞ্ঞুতা, জাগৰিযানুযোগো, সদ্ধা, হিৰী, ওত্তপ্পং, বাহুসচ্চং, ৱীৰিযং, সতি, পঞ্ঞা, চত্তাৰি ৰূপাৱচৰজ্ঝানানীতি এৱং পন্নৰসভেদেন চৰণধম্মেন সমন্নাগতো. ইমেযেৱ হি পন্নৰস ধম্মা যস্মা এতেহি চৰতি অৰিযসাৱকো গচ্ছতি অমতং দিসং, তস্মা ‘‘চৰণ’’ন্তি ৱুত্তা. ছট্ঠে নত্থি ৱত্তব্বং.

উপৱাণসুত্তাদিৱণ্ণনা নিট্ঠিতা.