৯. ৱেদনাসুত্তং

৪১৫. ‘‘তিস্সো ইমা, ভিক্খৱে, ৱেদনা. কতমা তিস্সো? সুখা ৱেদনা, দুক্খা ৱেদনা, অদুক্খমসুখা ৱেদনা – ইমা খো, ভিক্খৱে, তিস্সো ৱেদনা. ইমাসং খো, ভিক্খৱে, তিস্সন্নং ৱেদনানং পৰিঞ্ঞায চত্তাৰো সতিপট্ঠানা ভাৱেতব্বা.

‘‘কতমে চত্তাৰো? ইধ ভিক্খৱে, ভিক্খু কাযে কাযানুপস্সী ৱিহৰতি আতাপী সম্পজানো সতিমা, ৱিনেয্য লোকে অভিজ্ঝাদোমনস্সং; ৱেদনাসু…পে… চিত্তে…পে… ধম্মেসু ধম্মানুপস্সী ৱিহৰতি আতাপী সম্পজানো সতিমা, ৱিনেয্য লোকে অভিজ্ঝাদোমনস্সং. ইমাসং খো, ভিক্খৱে, তিস্সন্নং ৱেদনানং পৰিঞ্ঞায ইমে চত্তাৰো সতিপট্ঠানা ভাৱেতব্বা’’তি. নৱমং.