১১. অৰণসুত্তং

৮১. ‘‘কেসূধ অৰণা লোকে, কেসং ৱুসিতং ন নস্সতি;

কেধ ইচ্ছং পৰিজানন্তি, কেসং ভোজিস্সিযং সদা.

‘‘কিংসু মাতা পিতা ভাতা, ৱন্দন্তি নং পতিট্ঠিতং;

কিংসু ইধ জাতিহীনং, অভিৱাদেন্তি খত্তিযা’’তি.

‘‘সমণীধ অৰণা লোকে, সমণানং ৱুসিতং ন নস্সতি;

সমণা ইচ্ছং পৰিজানন্তি, সমণানং ভোজিস্সিযং সদা.

‘‘সমণং মাতা পিতা ভাতা, ৱন্দন্তি নং পতিট্ঠিতং;

সমণীধ জাতিহীনং, অভিৱাদেন্তি খত্তিযা’’তি.

ছেত্ৱাৱগ্গো অট্ঠমো.

তস্সুদ্দানং –

ছেত্ৱা ৰথঞ্চ চিত্তঞ্চ, ৱুট্ঠি ভীতা নজীৰতি;

ইস্সৰং কামং পাথেয্যং, পজ্জোতো অৰণেন চাতি.

দেৱতাসংযুত্তং সমত্তং.