১১. পঞ্ঞত্তিহাৰসম্পাতো

৭৩. তত্থ কতমো পঞ্ঞত্তিহাৰসম্পাতো?

‘‘তস্মা ৰক্খিতচিত্তস্স, সম্মাসঙ্কপ্পগোচৰো’’তি গাথা. ‘‘তস্মা ৰক্খিতচিত্তস্সা’’তি পদট্ঠানপঞ্ঞত্তি সতিযা. ‘‘সম্মাসঙ্কপ্পগোচৰো’’তি ভাৱনাপঞ্ঞত্তি সমথস্স. ‘‘সম্মাদিট্ঠিপুৰেক্খাৰো, ঞত্ৱান উদযব্বয’’ন্তি দস্সনভূমিযা নিক্খেপপঞ্ঞত্তি. ‘‘থিনমিদ্ধাভিভূ ভিক্খূ’’তি সমুদযস্স অনৱসেসপ্পহানপঞ্ঞত্তি, ‘‘সব্বা দুগ্গতিযো জহে’’তি ভাৱনাপঞ্ঞত্তি মগ্গস্স.

নিযুত্তো পঞ্ঞত্তিহাৰসম্পাতো.