২. ব্ৰহ্মচৰিযোগধসুত্তৱণ্ণনা

৯৯৮. দুতিযে যেসং সদ্ধাতি পদেন বুদ্ধে পসাদো গহিতো. সীলন্তি পদেন অৰিযকন্তানি সীলানি গহিতানি. পসাদোতি পদেন সঙ্ঘে পসাদো গহিতো. ধম্মদস্সনন্তি পদেন ধম্মে পসাদো গহিতোতি এৱং চত্তাৰি সোতাপত্তিযঙ্গানি ৱুত্তানি. কালেন পচ্চেন্তীতি কালেন পাপুণন্তি. ব্ৰহ্মচৰিযোগধং সুখন্তি ব্ৰহ্মচৰিযং ওগাহিত্ৱা ঠিতং উপৰিমগ্গত্তযসম্পযুত্তং সুখং. যো পনেস গাথায আগতো পসাদো, সো কতৰপসাদো হোতীতি. তিপিটকচূড়াভযত্থেৰো তাৱ ‘‘মগ্গপসাদো’’তি আহ, তিপিটকচূড়নাগত্থেৰো ‘‘আগতমগ্গস্স পচ্চৱেক্খণপ্পসাদো’’তি. উভোপি থেৰা পণ্ডিতা বহুস্সুতা, উভিন্নং সুভাসিতং. মিস্সকপ্পসাদো এসোতি.