৬. অধিমুত্তত্থেৰঅপদানৱণ্ণনা

নিব্বুতে লোকনাথম্হীতিআদিকং আযস্মতো অধিমুত্তত্থেৰস্স অপদানং (থেৰগা. অট্ঠ. ২.অধিমুত্তত্থেৰগাথাৱণ্ণনা). অযম্পি পুৰিমবুদ্ধেসু কতাধিকাৰো তত্থ তত্থ ভৱে ৱিৱট্টূপনিস্সযানি পুঞ্ঞানি উপচিনন্তো অত্থদস্সিম্হি লোকনাথে পৰিনিব্বুতে একস্মিং কুলগেহে নিব্বত্তো ৰতনত্তযে পসন্নো ভিক্খুসঙ্ঘং নিমন্তেত্ৱা উচ্ছূহি মণ্ডপং কাৰেত্ৱা মহাদানং পৱত্তেত্ৱা পৰিযোসানে সন্তিপদং পণিধেসি. সো ততো চুতো দেৱেসু চ মনুস্সেসু চ উভযসম্পত্তিযো অনুভৱিত্ৱা ইমস্মিং বুদ্ধুপ্পাদে একস্মিং কুলগেহে নিব্বত্তো সাসনে পসীদিত্ৱা সদ্ধায পতিট্ঠিতত্তা অধিমুত্তত্থেৰোতি পাকটো.

৮৪. এৱং কতসম্ভাৰৱসেন অৰহত্তং পত্ৱা অত্তনো পুব্বকম্মং সৰিত্ৱা সোমনস্সজাতো পুব্বচৰিতাপদানং পকাসেন্তো নিব্বুতে লোকনাথম্হীতিআদিমাহ. তং সব্বং উত্তানত্থমেৱাতি.

অধিমুত্তত্থেৰঅপদানৱণ্ণনা সমত্তা.