৩. পঞ্হাপুচ্ছকৱণ্ণনা

৭১৪. পঞ্হাপুচ্ছকে পাড়িঅনুসাৰেনেৱ সিক্খাপদানং কুসলাদিভাৱো ৱেদিতব্বো. আৰম্মণত্তিকেসু পন যানি সিক্খাপদানি এত্থ সত্তাৰম্মণানীতি ৱুত্তানি, তানি যস্মা সত্তোতি সঙ্খং গতে সঙ্খাৰেযেৱ আৰম্মণং কৰোন্তি, যস্মা চ সব্বানিপি এতানি সম্পত্তৱিৰতিৱসেনেৱ নিদ্দিট্ঠানি, তস্মা ‘‘পৰিত্তাৰম্মণা’’তি চ ‘‘পচ্চুপ্পন্নাৰম্মণা’’তি চ ৱুত্তং. যতো পন ৱিৰমতি তস্স ৱত্থুনো অচ্চন্তবহিদ্ধত্তা সব্বেসম্পি বহিদ্ধাৰম্মণতা ৱেদিতব্বাতি.

ইমস্মিং পন সিক্খাপদৱিভঙ্গে সম্মাসম্বুদ্ধেন অভিধম্মভাজনীযেপি পঞ্হাপুচ্ছকেপি লোকিযানেৱ সিক্খাপদানি কথিতানি. উভোপি হি এতে নযা লোকিযত্তা একপৰিচ্ছেদা এৱ. এৱমযং সিক্খাপদৱিভঙ্গো দ্ৱেপৰিৱট্টং নীহৰিত্ৱাৱ ভাজেত্ৱা দস্সিতোতি.

সম্মোহৱিনোদনিযা ৱিভঙ্গট্ঠকথায

সিক্খাপদৱিভঙ্গৱণ্ণনা নিট্ঠিতা.