৪. ধাতুযমকং

১-১৯. ইদানি তেযেৱ মূলযমকে দেসিতে কুসলাদিধম্মে ধাতুৱসেন সঙ্গণ্হিত্ৱা আযতনযমকানন্তৰং দেসিতস্স ধাতুযমকস্স ৱণ্ণনা হোতি. তত্থ আযতনযমকে ৱুত্তনযেনেৱ পাড়িৱৱত্থানং ৱেতিদব্বং. ইধাপি হি পণ্ণত্তিৱাৰাদযো তযো মহাৱাৰা, অৱসেসা অন্তৰৱাৰা চ সদ্ধিং কালপ্পভেদাদীহি আযতনযমকে আগতসদিসাযেৱ. ইধাপি চ যমকপুচ্ছাসুখত্থং পটিপাটিযা অজ্ঝত্তিকবাহিৰা ৰূপধাতুযোৱ ৱত্ৱা ৱিঞ্ঞাণধাতুযো ৱুত্তা. ধাতূনং পন বহুত্তা ইধ আযতনযমকতো বহুতৰানি যমকানি, যমকদিগুণা পুচ্ছা, পুচ্ছাদিগুণা চ অত্থা হোন্তি. তত্থ চক্খুধাতুমূলকাদীসু যমকেসু লব্ভমানানং যমকানং অত্থৱিনিচ্ছযো আযতনযমকে ৱুত্তনযেনেৱ ৱেদিতব্বো. তংসদিসাযেৱ হেত্থ অত্থগতি, তেনেৱ চ কাৰণেন পাড়িপি সঙ্খিত্তা. পৰিঞ্ঞাৱাৰো পাকতিকোযেৱাতি.

ধাতুযমকৱণ্ণনা নিট্ঠিতা.