৫. নিৱুতকথাৱণ্ণনা

৬৬৫-৬৬৭. ইদানি নিৱুতকথা নাম হোতি. তত্থ সুদ্ধস্স সুদ্ধকিচ্চাভাৱতো নীৱৰণেহি নিৱুতো ওফুটো পৰিযোনদ্ধো চ নীৱৰণং জহতীতি যেসং লদ্ধি, সেয্যথাপি উত্তৰাপথকানং; তে সন্ধায নিৱুতোতিপুচ্ছা সকৱাদিস্স, পটিঞ্ঞা ইতৰস্স. ৰত্তো ৰাগন্তিআদি নিৱুতস্স নীৱৰণজহনে দোসদস্সনত্থং ৱুত্তং. পৰিসুদ্ধে পৰিযোদাতেতিআদি ৱিক্খম্ভনৱিসুদ্ধিযা ৱিসুদ্ধস্স সমুচ্ছেদৱিসুদ্ধিদস্সনত্থং ৱুত্তং. তস্স এৱং জানতোতিআদি জানতো পস্সতো আসৱক্খযং দীপেতি, ন নিৱুতস্স নীৱৰণজহনং, তস্মা অসাধকন্তি.

নিৱুতকথাৱণ্ণনা.