১২. নাগিতসুত্তৱণ্ণনা

৪২. দ্ৱাদসমে গামন্তৱিহাৰিন্তি গামন্তসেনাসনৱাসিং. সমাহিতং নিসিন্নন্তি তস্মিং গামন্তসেনাসনে সমাধিং অপ্পেত্ৱা নিসিন্নং. ইদানিমন্তি ইদানি ইমং. সমাধিম্হা চাৱেস্সতীতি সমাধিতো উট্ঠাপেস্সতি. ন অত্তমনো হোমীতি ন সকমনো হোমি. পচলাযমানন্তি নিদ্দাযমানং. একত্তন্তি একসভাৱং, একগ্গতাভূতং অৰঞ্ঞসঞ্ঞংযেৱ চিত্তে কৰিস্সতীতি অত্থো. অনুৰক্খিস্সতীতি অনুগ্গণ্হিস্সতি. অৱিমুত্তং ৱা চিত্তং ৱিমোচেস্সতীতি অঞ্ঞস্মিং কালে অৱিমুত্তং চিত্তং ইদানি পঞ্চহি ৱিমুত্তীহি ৱিমোচযিস্সতি. ৰিঞ্চতীতি ৱজ্জেতি ৱিস্সজ্জেতি. পটিপণামেত্ৱাতি পনুদিত্ৱা ৱিস্সজ্জেত্ৱা. উচ্চাৰপস্সাৱকম্মাযাতি উচ্চাৰপস্সাৱকৰণত্থায. ইমিনা এত্তকেন ঠানেন সত্থাৰা অৰঞ্ঞসেনাসনস্স ৱণ্ণো কথিতো. সুত্তস্স পন পঠমকোট্ঠাসে যং ৱত্তব্বং, তং হেট্ঠা ৱুত্তমেৱাতি.

দেৱতাৱগ্গো চতুত্থো.