(৮৩) ১১. কম্মহেতুকথা

৫৪৬. কম্মহেতু অৰহা অৰহত্তা পৰিহাযতীতি? আমন্তা. কম্মহেতু সোতাপন্নো সোতাপত্তিফলা পৰিহাযতীতি? ন হেৱং ৱত্তব্বে…পে… কম্মহেতু অৰহা অৰহত্তা পৰিহাযতীতি? আমন্তা. কম্মহেতু সকদাগামী…পে… অনাগামী অনাগামিফলা পৰিহাযতীতি? ন হেৱং ৱত্তব্বে…পে….

কম্মহেতু সোতাপন্নো সোতাপত্তিফলা ন পৰিহাযতীতি? আমন্তা. কম্মহেতু অৰহা অৰহত্তা ন পৰিহাযতীতি? ন হেৱং ৱত্তব্বে …পে… কম্মহেতু সকদাগামী…পে… অনাগামী অনাগামিফলা ন পৰিহাযতীতি? আমন্তা. কম্মহেতু অৰহা অৰহত্তা ন পৰিহাযতীতি? ন হেৱং ৱত্তব্বে…পে….

কম্মহেতু অৰহা অৰহত্তা পৰিহাযতীতি? আমন্তা. পাণাতিপাতকম্মস্স হেতূতি? ন হেৱং ৱত্তব্বে…পে… অদিন্নাদানকম্মস্স হেতু…পে… কামেসুমিচ্ছাচাৰকম্মস্স হেতু… মুসাৱাদকম্মস্স হেতু… পিসুণৱাচাকম্মস্স হেতু… ফৰুসৱাচাকম্মস্স হেতু… সম্ফপ্পলাপকম্মস্স হেতু… মাতুঘাতকম্মস্স [মাতুঘাতককম্মস্স (স্যা.), মাতুঘাতিকম্মস্স (ক.) তথা পিতুঘাতঅৰহন্তঘাতকম্মস্সাতিপদেসু] হেতু… পিতুঘাতকম্মস্স হেতু… অৰহন্তঘাতকম্মস্স হেতু… ৰুহিৰুপ্পাদকম্মস্স হেতু…পে… সঙ্ঘভেদকম্মস্স হেতূতি? ন হেৱং ৱত্তব্বে…পে….

কতমস্স কম্মস্স হেতূতি? হন্দ হি অৰহন্তানং অব্ভাচিক্খতীতি. অৰহন্তানং অব্ভাচিক্খনকম্মস্স হেতু অৰহা অৰহত্তা পৰিহাযতীতি? আমন্তা. যে কেচি অৰহন্তানং অব্ভাচিক্খন্তি, সব্বে তে অৰহত্তং সচ্ছিকৰোন্তীতি? ন হেৱং ৱত্তব্বে…পে….

কম্মহেতুকথা নিট্ঠিতা.

অট্ঠমৱগ্গো.

তস্সুদ্দানং –

ছ গতিযো, অন্তৰাভৱো, পঞ্চেৱ কামগুণা কামধাতু, পঞ্চেৱ আযতনা কামা, ৰূপিনো ধম্মা ৰূপধাতু, অৰূপিনো ধম্মা অৰূপধাতু, সড়াযতনিকো অত্তভাৱো ৰূপধাতুযা, অত্থি ৰূপং অৰূপেসু, ৰূপং কম্মং, ৰূপং জীৱিতং, কম্মহেতুকা পৰিহাযতীতি.