(৭১) ৯. অৰিযধম্মৱিপাককথা

৪৯৮. নত্থি অৰিযধম্মৱিপাকোতি? আমন্তা. ননু মহপ্ফলং সামঞ্ঞং মহপ্ফলং ব্ৰহ্মঞ্ঞন্তি? আমন্তা. হঞ্চি মহপ্ফলং সামঞ্ঞং মহপ্ফলং ব্ৰহ্মঞ্ঞং, নো চ ৱত ৰে ৱত্তব্বে – ‘‘নত্থি অৰিযধম্মৱিপাকো’’তি.

নত্থি অৰিযধম্মৱিপাকোতি? আমন্তা. ননু অত্থি সোতাপত্তিফলন্তি? আমন্তা. হঞ্চি অত্থি সোতাপত্তিফলং, নো চ ৱত ৰে ৱত্তব্বে – ‘‘নত্থি অৰিযধম্মৱিপাকো’’তি. ননু অত্থি সকদাগামিফলং…পে… অনাগামিফলং…পে… অৰহত্তফলন্তি? আমন্তা. হঞ্চি অত্থি অৰহত্তফলং, নো চ ৱত ৰে ৱত্তব্বে – ‘‘নত্থি অৰিযধম্মৱিপাকো’’তি.

সোতাপত্তিফলং ন ৱিপাকোতি? আমন্তা. দানফলং ন ৱিপাকোতি? ন হেৱং ৱত্তব্বে…পে… সোতাপত্তিফলং ন ৱিপাকোতি? আমন্তা. সীলফলং…পে… ভাৱনাফলং ন ৱিপাকোতি? ন হেৱং ৱত্তব্বে…পে….

সকদাগামিফলং…পে… অনাগামিফলং…পে… অৰহত্তফলং ন ৱিপাকোতি? আমন্তা. দানফলং ন ৱিপাকোতি? ন হেৱং ৱত্তব্বে…পে… অৰহত্তফলং ন ৱিপাকোতি? আমন্তা. সীলফলং…পে… ভাৱনাফলং ন ৱিপাকোতি? ন হেৱং ৱত্তব্বে…পে… দানফলং ৱিপাকোতি? আমন্তা. সোতাপত্তিফলং ৱিপাকোতি? ন হেৱং ৱত্তব্বে…পে….

দানফলং ৱিপাকোতি? আমন্তা. সকদাগামিফলং…পে… অনাগামিফলং…পে… অৰহত্তফলং ৱিপাকোতি? ন হেৱং ৱত্তব্বে…পে… সীলফলং…পে… ভাৱনাফলং ৱিপাকোতি? আমন্তা. সোতাপত্তিফলং ৱিপাকোতি? ন হেৱং ৱত্তব্বে…পে… ভাৱনাফলং ৱিপাকোতি? আমন্তা. সকদাগামিফলং…পে… অনাগামিফলং …পে… অৰহত্তফলং ৱিপাকোতি? ন হেৱং ৱত্তব্বে…পে….

৪৯৯. কামাৱচৰং কুসলং সৱিপাকন্তি? আমন্তা. লোকুত্তৰং কুসলং সৱিপাকন্তি? ন হেৱং ৱত্তব্বে…পে… ৰূপাৱচৰং কুসলং…পে… অৰূপাৱচৰং কুসলং সৱিপাকন্তি? আমন্তা. লোকুত্তৰং কুসলং সৱিপাকন্তি? ন হেৱং ৱত্তব্বে…পে….

লোকুত্তৰং কুসলং অৱিপাকন্তি? আমন্তা. কামাৱচৰং কুসলং অৱিপাকন্তি? ন হেৱং ৱত্তব্বে…পে… লোকুত্তৰং কুসলং অৱিপাকন্তি? আমন্তা. ৰূপাৱচৰং…পে… অৰূপাৱচৰং কুসলং অৱিপাকন্তি? ন হেৱং ৱত্তব্বে…পে….

৫০০. কামাৱচৰং কুসলং সৱিপাকং আচযগামীতি? আমন্তা. লোকুত্তৰং কুসলং সৱিপাকং আচযগামীতি? ন হেৱং ৱত্তব্বে…পে… ৰূপাৱচৰং…পে… অৰূপাৱচৰং কুসলং সৱিপাকং আচযগামীতি? আমন্তা. লোকুত্তৰং কুসলং সৱিপাকং আচযগামীতি? ন হেৱং ৱত্তব্বে…পে….

লোকুত্তৰং কুসলং সৱিপাকং অপচযগামীতি? আমন্তা. কামাৱচৰং কুসলং সৱিপাকং অপচযগামীতি? ন হেৱং ৱত্তব্বে…পে…. লোকুত্তৰং কুসলং সৱিপাকং অপচযগামীতি? আমন্তা. ৰূপাৱচৰং…পে… অৰূপাৱচৰং কুসলং সৱিপাকং অপচযগামীতি? ন হেৱং ৱত্তব্বে…পে….

অৰিযধম্মৱিপাককথা নিট্ঠিতা.