৫,১৯. মঞ্চ ৰুধাদীনং

ৰুধাদিকো অপৰোক্খেসু কত্তুৱিহিতমান+ন্ত+ত্যাদীসু লো হোতি মঞ্চ+ন্তসৰা পৰো. নিগ্গহীতস্স ৱগ্গন্তং, ‘‘লহুস্সুপন্তস্সা’’তি সংযোগত্তা ন ৱুদ্ধি. সো মগ্গং ৰুন্ধতি, ৰুন্ধন্তি ইচ্চাদি. কম্মে-নিপুব্বো ক্যো ধস্স চৱগ্গ+পুব্বৰূপ+ততিযক্খৰজকাৰা, তেন মগ্গো নিৰুজ্ঝতি ইচ্চাদি. ইঞাগমে ৰুন্ধিস্সতি, নিৰুজ্ঝিস্সতি. অৰুন্ধি, অৰুন্ধিংসু. নিৰুজ্ঝিত্থো, নিৰুজ্ঝি, নিৰুজ্ঝিংসু. অৰুন্ধিস্স, অৰুন্ধিস্সংসু, নিৰুজ্ঝিস্স, নিৰুজ্ঝিস্সংসু. ৰুন্ধে ৰুন্ধেয্য, নিৰুজ্ঝে নিৰুজ্ঝেয্য. ৰুন্ধতু, ৰুন্ধন্তু. ত্ৱং ৰুন্ধ ৰুন্ধাহি. নিৰুজ্ঝতু, নিৰুজ্ঝন্তু ইচ্চাদি.

ছিদ=দ্ৱেধাকৰণে, ছিন্দতি, ছিন্দন্তি. কম্মে-ছিজ্জতি, ছিজ্জন্তি. ভৱিস্সতিপচ্চযে – ‘‘লভ ৱসচ্ছিদা’’ দিনা চ্ছঙাদেসে ছেচ্ছতি ছিন্দিস্সতি. কম্মে-পুব্বৰূপং, ছিজ্জিস্সতি, ছিজ্জিস্সন্তি. অছিন্দি ছিন্দি, অচ্ছেজ্জি, অচ্ছেজ্জিংসু. অচ্ছিন্দিস্সা অছিজ্জিস্সা. ছিন্দে ছিন্দেয্য, ছিজ্জে ছিজ্জেয্য, ছিন্দতু, ছিন্দন্তু, ছিজ্জতু, ছিজ্জন্তু ইচ্চাদি.

ভুজ=পালনজ্ঝোহাৰেসু, ভুঞ্জতি, ভুঞ্জন্তি ইচ্চাদি. ভৱিস্সতিম্হি ‘‘ভুজ+মুচ+ৱচ+ৱিসানং ক্খঙ’’তি ধাত্ৱন্তেন সহ স্সস্স ক্খঙাদেসে ৱুদ্ধি, ভোক্খতি, ভুঞ্জিস্সতি, ভোক্খন্তি, ভুঞ্জিস্সন্তি ইচ্চাদি.

মুচ=মোচনে, মুচ্চতি, মুচ্চন্তি ইচ্চাদি. কম্মে-মুচ্চতি, মুচ্চন্তি ইচ্চাদি. (ৰুধাদিনযো).

দিৱ=কীড়া ৱিজিগিংসা ৱোহাৰ জুতি থুতি গতীসু,