৫,২১. দিৱাদীহি যক

দিৱাদীহি কত্তৰি লৱিসযে যক হোতি. ককাৰো কানুবন্ধকাৰিযত্থো, এৱ+মুপৰি চ. ৱস্স বকাৰে পুব্বৰূপং, সো জুতং দিব্বতি, দিব্বন্তি ইচ্চাদি. কম্মে-ক্যে তেন দিব্বতি, দিব্বন্তি ইচ্চাদি. দিব্বিস্সতি, তেন দিব্বিস্সতি. অদিব্বি দিব্বি. তেন অদিব্বি দিব্বি. অদিব্বিস্স. তেন অদিব্বিস্স. দিব্বে দিব্বেয্য. তেন দিব্বে দিব্বেয্য. দিব্বতু. তেন দিব্বতু ইচ্চাদি.

সিৱ=তন্তুসন্তানে, সিব্বতি, সিব্বন্তি ইচ্চাদি. পদ=গমনে, উপুব্বো, চৱগ্গপুব্বৰূপানি, উপ্পজ্জতি, উপ্পজ্জৰে উপ্পজ্জন্তি ইচ্চাদি. কম্মেক্যে তেন পটিপজ্জতে ইচ্চাদি. ভাৱে-উপ্পজ্জতে তযা. বুধ=অৱগমনে, ঝকাৰপুব্বৰূপানি যক্খৰেসু. ধম্মং বুজ্ঝতি, বুজ্ঝৰে বুজ্ঝন্তি ইচ্চাদি. কম্মে-মযা ধম্মো বুজ্ঝতে ইচ্চাদি. যুধ=সম্পহাৰে, যুজ্ঝতি+চ্চাদি. নহ=বন্ধনে, ‘‘হস্স ৱিপল্লাসো’’তি যে ৱিপল্লাসো, সন্নয্হতি+চ্চাদি. মন=ঞাণে, ঞ্ঞকাৰ+পুব্বৰূপানি, মঞ্ঞতি+চ্চাদি. তুস=তুট্ঠিম্হি, পুব্বৰূপে তুস্সতি+চ্চাদি. সম=উপসমে, সম্মতি+চ্চাদি.

জন=জননে, ‘‘জনিস্সা’’তি আ হোতি কানুবন্ধে বহুলাধিকাৰা, সো জাযতি, জাযন্তি+চ্চাদি. কম্মে-জনিতুং পযোজেতীতি ‘‘পযোজকব্যাপাৰে ণাপি চে’’তি ণিম্হি ‘‘অঞ্ঞত্ৰাপী’’তি ৱুদ্ধিপটিসেধে ক্যম্হি ‘‘দীঘো সৰস্সা’’তি দীঘে চ কতে তেন জনীযতি, জনীযন্তি ইচ্চাদি. সো জাযিস্সতি. তেন জনিস্সতি. সো অজাযি, তেন অজনীযি. সো অজাযিস্স, তেন অজনীযিস্স. সো জাযে জাযেয্য, তেন জনীযেয্য. সো জাযতু, তেন জনীযতু ইচ্চাদি. (দিৱাদিনযো).

তুদ=ব্যথনে,