৪৮. হিস্স+তো লোপো

অতো পৰস্স হিস্স ৱা লোপো হোতি. ত্ৱং সুখী ভৱ ভৱাহি, হিম্হি দীঘো. ‘‘এয্যাথা’’দিনা ৱ্হোক, তুম্হে সুখিতা ভৱথৱ্হো ভৱথ. অহং সুখী ভৱামি, মযং সুখিনো ভৱাম. পৰচ্ছক্কে-তথা ভৱতং, ভৱন্তং. ভৱস্সু, ভৱৱ্হো. ভৱে ভৱামসে. কম্মে-তযা অনুভূযতু, অনুভূযন্তু ইচ্চাদি. ভাৱে-ভূযতু, ভূযতং.

আণত্তিযং-দেৱদত্তো দানি ওদনং পচতু, পচন্তু ইচ্চাদি. কম্মে-তেন ওদনো পচ্চতু ইচ্চাদি. তথা সো গামং গচ্ছতু ইচ্চাদি. ‘‘ঊ লস্সে’’তি লস্সে+কাৰে গমেতু, গমেন্তু ইচ্চাদি. ঘম্মাদেসে ঘম্মতু, ঘম্মন্তু ইচ্চাদি. কম্মে-গচ্ছীযতু ইচ্চাদি. তথা গমীযতু ইচ্চাদি.

ৱিধিম্হি-লস্স লোপে লুত্তে ৱুদ্ধি, ইধ পব্বতো হোতু.

নিমন্তনে-অধিৱাসেথ তুম্হে ভন্তে ভগৱা ভোজনং, ৱসতিস্স ‘‘চুৰাদিতো ণী’’তি ণিম্হি ‘‘অস্সা ণানুবন্ধে’’তি আ, ‘‘যুৱণ্ণান+মেও পচ্চযে’’তি এ চ হোতি. ইধ নিস্সীদতু ভৱং, সদস্স ‘‘জৰ+সদান+মীম ৱা’’তি ঈম, মনুবন্ধত্তা অন্তসৰতো ঈম.

অজ্ঝেসনে-দেসেতু ভন্তে ভগৱা ধম্মং, এত্থ চুৰাদিত্তা পুৰিমসমং.

অনুমতিযং-পুচ্ছ ৱাসৱ মং পঞ্হং, পৱিসতু ভৱং. এত্থ পুচ্ছতো হিস্স লোপো. এৱং নিসীদ.

পত্থনা=যাচনা, তত্ৰ-দদ=দানে, দদাহি মে গামৱৰানি পঞ্চ, দাতো লস্স একাৰে চ একং মে নযনং দেহি.

পত্তকালে-সম্পত্তো তে কালো কটকৰণে, কটং কৰোতু ভৱং. এত্থ ‘‘তনাদিত্ৱো’’তি ও.

ত্ৱাদী এয্যাদযো ৱত্ত-মানা সম্পতি,+নাগতে;

ভৱিস্সতি, পৰোক্খাদি-চত্তাৰো+তীতকালিকা.