১২৪. সৰান+মাদিস্সা+যুৱণ্ণস্সা+এও ণানুবন্ধে

সৰান+মাদিভূতা যে অকাৰি+ৱণ্ণু+ৱণ্ণা, তেসং আ+এ+ও ৱা হোন্তি যথাক্কমং ণানুবন্ধেতি অকাৰস্স আকাৰো. আ+এ+ওনং ৱুদ্ধীতিপি পুব্বাচৰিযসঞ্ঞা. ৱসিট্ঠস্সা+পচ্চং ৱাসিট্ঠো. ৱীম্হি ৱাসিট্ঠী. ৱেতি ৱসিট্ঠস্সা+পচ্চংতি ৱাক্যস্স চ ৱসিট্ঠাপচ্চংতি সমাসস্স চ ৱিকপ্পত্থং. সো চ ৱাসদ্দো যাৱ ‘‘সকত্থে’’তি অধিকৰীযতি.

নপুংসকেন লিঙ্গেন, সদ্দো+দাহু পুমেন ৱা;

নিদ্দিস্সতীতি ঞাতব্ব+মৱিসেসে পনি+চ্ছিতেতি –

ৱুত্তত্থা অপচ্চসদ্দস্স নপুংসকত্থেপি পুত্তপুত্তীনং দ্ৱিন্নম্পি ৱাচকো হোতি.

ণাদযো+ভিধেয্যলিঙ্গা, অপচ্চে ত্ৱ+নপুংসকা;

নপুংসকে সকত্থে ণ্যো, ভিয্যো ভাৱসমূহজা;

তা তু+ত্থিয+মসংখ্যানে, ত্ৱাদিচীপচ্চযন্তকা.

ভাৰদ্ৱাজস্স অপচ্চং=পুত্তো ভাৰদ্ৱাজো, এৱং ৱেস্সামিত্তো, গোতমো. এত্থ চ অ+যুৱণ্ণন্তাভাৱা আ+এ+ওনং ন ৱুদ্ধি. ৱাসুদেৱস্স অপচ্চং ৱাসুদেৱো, বলদেৱো. চিত্তকোতিআদীসু পন সংযোগন্তত্তা ‘‘সংযোগে ক্ৱচী’’তি ক্ৱচি ন ৱুদ্ধি. উপগুনো অপচ্চং ওপগৱো ওপগৱী. এত্থ ‘‘উৱণ্ণস্সা+ৱঙ সৰে’’তি উকাৰস্স অৱঙ.

ৱচ্ছস্সা+পচ্চন্তি ৱিগ্গয্হ পুব্বসুত্তেন ণপচ্চযে কতে পুন ৱচ্ছস্সা+পচ্চংতি ৱিগ্গহো.