২. ৱচ্ছাদিতো ণান+ণাযনা

ৱচ্ছাদীহি অপচ্চপচ্চযন্তেহি গোত্তাদীহি চ সদ্দেহি ণান+ণাযনপচ্চযা ৱা হোন্তি অপচ্চে. ৱচ্ছানো, ৱচ্ছাযনো, ‘‘সংযোগে ক্ৱচী’’তি ন ৱুদ্ধি. কতিস্সা+পচ্চং কচ্চো, ‘‘ণ্য দিচ্চাদীহী’’তি ণ্যো, ‘‘লোপো+ৱণ্ণি+ৱণ্ণানং’’তি অকাৰলোপে চৱগ্গপুব্বৰূপানি. কচ্চস্সা+পচ্চং কচ্চানো, কচ্চাযনো, যাগমে কাতিযানো. মুগ্গস্সা+পচ্চং=নত্তাদীতি ৱাক্যে ৱুদ্ধি+ইকাৰলোপ+পুব্বৰূপানি. মোগ্গল্লস্সা+পচ্চংতি পুনণান+ণাযনা হোন্তি, মোগ্গল্লানো মোগ্গল্লাযনো. ইমে চত্তাৰো অপচ্চপচ্চযন্তা. গোত্তাদিতো যথাসকটস্সা+পচ্চং নত্তাদীহি সকটানো সকটাযনো. কণ্হস্সা+পচ্চং নত্তাদি কণ্হানো কণ্হাযনো. এৱং অগ্গিৱেস্সানো অগ্গিৱেস্সাযনো, মুঞ্জানো মুঞ্জাযনো, কুঞ্জানো কুঞ্জাযনো. সব্বত্থ সংযোগত্তা ন ৱুদ্ধি. আকতিগণো+যং.