১৫৩. হিমৱতো ৱা ও

হিমৱতো সিম্হি ন্তুস্স ও ৱা হোতি, হিমৱন্তো হিমৱা. সেসং পুৰিমসমং.

আযস্মন্তুসদ্দো কম্মৱাচায ক্ৱচি বহুলাধিকাৰা দ্ৱিৱচনেন আযস্মন্তা, তিণ্ণং ৱচনেন আযস্মন্তোতি দিস্সতি.

এৱং সতিমা ধিতিমা গতিমা মুতিমা মতিমা জুতিমা সিৰিমা হিৰিমা থুতিমা ৰতিমা যতিমা সুচিমা কলিমা বলিমা কসিমা ৰুচিমা বুদ্ধিমা চক্খুমা বন্ধুমা হেতুমা সেতুমা কেতুমা ৰাহুমা ভাণুমা খাণুমা ৱিজ্জুমা ইচ্চাদযো.

উকাৰন্তং.

ৱেস্সভূ সিলোপো. তে চ ৰস্সাভাৱোৱ ৱিসেসো. ‘‘একৱচনযোস্ৱ+ঘোনং’’তি ৰস্সে ‘‘লা যোনং ৱো পুমে’’তি ৱো, ৱেস্সভুৱো, ‘‘ৱেৱোসু লুস্সা’’তি ৱুত্তত্তা ন টাদেসো, ‘‘লোপোতি যোলোপে ৱেস্সভূ. ‘‘গে ৱা’’তি ৱা ৰস্সে ভো ৱেস্সভু ৱেস্সভূ, ৱেস্সভুৱো ৱেস্সভূ. ৱেস্সভুং, ৱেস্সভুৱো ৱেস্সভূ. ৱেস্সভুনা ইচ্চাদি ভিক্খুসমং. এৱং সযম্ভূ পৰাভিভূ অভিভূআদযো. গোত্ৰভূ+সহভূসদ্দেহি পন যোনং ‘‘জন্ত্ৱাদিতো নো ৱা’’তি নো, ৱো ৱা, গোত্ৰভুনো গোত্ৰভুৱো গোত্ৰভূ. সহভুনো সহভুৱো সহভূ, সেসং ৱেস্সভূসমং.