৮৫. কূতো

কূপচ্চযন্ততো যোনং নো ৱা হোতি পুল্লিঙ্গে. সব্বঞ্ঞুনো. অঞ্ঞত্ৰ ‘‘লা যোনং ৱো পুমে’’তি ন ৱো, ‘‘কূতো’’তি জন্ত্ৱাদীহি পুথক্কৰণা. যোলোপে সব্বঞ্ঞূ. ভো সব্বঞ্ঞু সব্বঞ্ঞূ, সব্বঞ্ঞুনো সব্বঞ্ঞূ ইচ্চাদি.

এৱং মগ্গঞ্ঞূ ধম্মঞ্ঞূ অত্থঞ্ঞূ কালঞ্ঞূ ৰত্তঞ্ঞূ মত্তঞ্ঞূ কতঞ্ঞূ কথঞ্ঞূ ৱিঞ্ঞূ ৱিদূ ইচ্চাদযো. এত্থ ‘‘ৱিদা কূ’’ ‘‘ৱিতো ঞাতো’’ ‘‘কম্মা’’তি তীসু সুত্তেসু কূপচ্চযস্স গহিতত্তা ৱেদগূআদযো ৰূপচ্চযন্তা ন গহিতা.

ঊকাৰন্তং.

গো, সি, সিলোপো. গো.