৫. অন

অঞ্ঞপদত্থৱুত্তিযাতি ৱুত্তমঞ্ঞপদত্থং দস্সেতি ‘ৱক্খমানলক্খণো’চ্চাদিনা. ৱক্খমানলক্খণোতিৱুত্তিকাৰেন ‘‘আঞায্যা’’চ্চাদিনা ৱক্খমানলক্খণো. অন্তোকত্ৱাতি ইমিনা আসদ্দস্সাভিৱিধিম্হি পৱত্তিমাহ. অহৰুভযতড্ঢৰত্তং ৱাতি এত্থ ৱাসদ্দো পক্খন্তৰে. অড্ঢৰত্তসদ্দেন ৰত্তিযা চতুত্থো ভাগো-ত্ৰ ৱত্তুমিট্ঠো, অহো চ তস্স অড্ঢৰত্তঞ্চাতি অত্থো. ইমস্সাধিপ্পাযত্থমাহ- ‘অতীতেচ্চাদি. উভযত্থ অধিপ্পাযং ৱিৱৰতি‘অয’মিচ্চাদিনা. পঞ্চযামোতি অতীতায ৰত্তিযা পচ্ছিমপঞ্চচত্তালীসৱিনাডিকাধিকঘটিকাত্তযং অনাগতায পুৰিমপঞ্চচত্তালীসৱিনাডিকাধিকঘটিকত্থযঞ্চেতি অড্ঢাধিকসত্তঘটিকাপৰিমাণো একো যামো অহস্স চত্তাৰোতি পঞ্চ যামা পহাৰা অস্সাতি পঞ্চযামো.

গতাযপচ্ছিমো যামো, পচ্ছিমদ্ধমিমস্স ৱা;

পহাৰো-নাগতাযাদী, তদদ্ধমপি ৱা তথা.

ৱুত্তকালাৱধি মজ্ঝো, কালো সো-জ্জতনো মতো;

তন্নিসেধেন যোত্ৱঞ্ঞো, সো-নজ্জতনো মতো.

অগমত্থাতিআদীসু অঈস্সআদীনং সম্বন্ধিব্যঞ্জনস্সাভাৱা ন ইঞ. ব্যামিস্সেপীতি অজ্জতনমিস্সেপি ভূতে. নঞ্সমাসনিস্সযে ব্যামিস্সে যথা পপ্পোতীতি দস্সেন্তো আহ- ‘পৰিযুদাসেতাৱে’চ্চাদি.

অজ্জতননিস্সযোতি ব্যামিস্সে অজ্জতনভাগীনিস্সযো. অত্থুতি পঞ্হে তু তদঞ্ঞনিস্সযোতি ব্যামিস্সেযেৱ ততো অজ্জতনতো ইতৰানজ্জতন নিস্সযো অঞ্ঞত্ৰাতি ব্যামিস্সতো অঞ্ঞত্ৰ ভূতকালে. পসঙ্গোতি আ ঞুআদীনং পসঙ্গো. অজ্জহিয্যোৱাতি ব্যামিস্সতাদস্সনত্থং ৱুত্তং.