৯৪. ক্ৱিম্হি

ননু কিমত্থমন্তগ্গহণং যতো ‘‘ক্ৱিম্হি লোপো-ন্তব্যঞ্জনস্সা’’তি ৱুত্তং, ‘‘ছট্ঠিযন্তস্সা’’তি (১-১৭) অন্তস্সেৱ লোপো সিযাতি চোদনং মনসি নিধায তগ্গহণে পযোজনং দস্সেন্তো আহ- ‘অন্তগ্গহণ’মিচ্চাদি. লোপৱিধীসূতি (ৱীআদিলোপৱিধীসু, ছট্ঠী নিদ্দিট্ঠন্তি) ‘‘ৱীমন্তু ৱন্তূ’’ন্তি (৪-১৩৮) ছট্ঠীনিদ্দিট্ঠং. ভদন্তৱিধিচৰিতত্তব্যাপাৰং [তদন্তৱিধিচিৰভেদনাচ্চনব্যাপাৰং (পোত্থকে)] নিস্সাযাহ- ‘ছট্ঠিযন্তস্সা’’তী ব্যাপাৰা’তি. অন্তস্সাতি ৱীআদীনমীকাৰাদিনো. অঞ্ঞথাতি সব্বাপহাৰিলোপঞ্ঞাপনাভাৱে. অনত্থকং সিযা ‘‘ছট্ঠিযন্তস্সা’’তিমস্স ব্যাপাৰসম্ভাৱা. ইদানি ছট্ঠীনিদ্দিট্ঠানং ৱিসেসেন ৱত্তুমিচ্ছিত্তং অন্তস্সেৱ লোপপত্তিদোসং দস্সেতুমাহ- ‘তদন্তে’চ্চাদি.