৭১. আদি

পঠমো দুতিযোতি চ দ্ৱে একস্সৰা. তত্থ ‘‘খছসানমেকস্সৰোদি দ্ৱে’’ (৫-৬৯) ‘‘পৰোক্খাযং চে’’তি (৫-৭০) পঠমস্সেকস্স ৰস্স দ্ৱিব্বচনং ‘আদিস্মা সৰা’’তি তু দুতিযস্স, তস্মা কথমঞ্ঞস্সুচ্চমানেঅঞ্ঞস্সবাধকংসিযা তস্মা কতেপিদুতিয দ্ৱিব্বচনেপঠমদ্ৱিব্বচনং সম্ভৱত্ৱেৱাতিনপঠমদ্ৱিব্বচনাপৱাদো-যং যোগোচ্চাসঙ্কিযাহ- ‘পঠমে’চ্চাদি. ক্ৰিযত্থাধিকাৰা ক্ৰিযত্থানন্তি ছট্ঠিযা দুতিযেনেকস্স ৰেনচ সম্বন্ধা পঠমদ্ৱিব্বচনস্সৱিধায কমঞ্ঞৱাক্যমঞ্ঞং দুতিযস্সাতি ন ৱাক্যভেদোতি আহ- ‘একে’চ্চাদি. অস্সাতি ‘আদিস্মা সৰা’’তি অস্স যোগস্স, পুব্বযোগেতি পুব্বেহি দ্ৱিহি সুত্তেহি. ‘‘আদিস্মা সৰা’’তি সৰমদ্ৱিত্তেনুপাদায সামঞ্ঞেন সদ্দৰূপস্স দ্ৱিব্বচনৱিধানতো পুব্বে ৱিয ব্যঞ্জনযুত্তস্সেৱ ৱিধানং তথেৱিট্ঠত্থত্তাতি পঠমদ্ৱিব্বচন সম্বন্ধিনো ব্যঞ্জনস্স দ্ৱিব্বচনবাধাত্যৱগন্তব্বং.