৫. পয্যপাবহিতিৰো পুৰেপচ্ছাৱাপঞ্চম্যা

পঞ্চম্যাতি কস্মা ৱুত্তং ননু অৱুত্তেপি তস্মিং ৱক্খমাননযেন পঞ্চম্যন্তত্তা পঞ্চম্যন্তেহেৱ সমাসো ৱিঞ্ঞাযতীত্যাসঙ্কিযাহ‘যদিপি’চ্চাদি. তথাপিচ্চাদিনা পৰিহৰতি, হোতু কামং ‘পৰিপব্বতং ৱিজ্জোততে’তি দুতিযানিসেধায, অঞ্ঞত্ৰ কথন্তি আহ ‘ইহ চে’ত্যাদি.

আচত্তাৰো ৱাতি আসদ্দো ৱাক্যে, সৰণে ৱা, গামো বহি তিট্ঠতীত্যত্থো, পুৰতো গামম্পস্সাতি ৱদন্তো পুৰেত্যত্থপ্পঘানোযন্নিদ্দেসো, নসৰূপপ্পধানোতি দস্সেতি, অভিমুখে গামম্পস্সাত্যত্থো. অৱুত্তানমেতান্যুপলক্খণানি, তস্মা ‘তিৰো গামম্পস্সা’তিপি ৱুত্তং হোতি, তিৰিযতো গামম্পস্স, পচ্ছতো গামম্পস্সাতি অত্থো.

অপসদ্দযোগে নিচ্চপঞ্চন্তস্স ৱিকপ্পেন সমাসৱিধানাৱাভৱনেনোদাহৰণং দিন্নং (এত্থ) পঞ্চম্যাতি পযোজনাভাৱেপি অঞ্ঞদত্থং কৰিযমানমিহাপ্যত্থৱন্তং হোতি.