৯৯. সব্বা

ননু কতৰাদযোৱ সব্বাদিসদ্দৱচনীযা হোন্তি সমাসেনাভিহিতত্তা, ন তু সব্বসদ্দো [সদ্দস্সে (পোত্থকে)] ত্যাহ-‘অৱযৱেনে’ত্যাদি,যদিপি ‘সব্ব সদ্দো আদি যেস’ন্তি অৱযৱেন ৱিগ্গহো, তথাপি সমুদাযোৱাস্সত্থো ভৱতি… যেসন্ত্যনেন সমুদাযস্স পৰামাসাতি ভাৱো, ইতীতি হেতুম্হি, কো ভৱন্তানং দ্ৱিন্নং বহুন্নং ৱা একো দেৱ দত্তো কঠাদীহি ৱা অত্থে দ্ৱীহি বহূহি ৱা একস্স নিদ্ধাৰণে সতি কিম্হা নিদ্ধাৰণে ৰতৰ ৰতমেসু ণাদিৱুত্তিযং ‘‘একত্থতায’’ন্তি (২-১১৯) ৱিভত্তিলোপে ‘‘ৰানুবন্ধেন্তসৰাদিস্সা’’তি (৪-১৩২) অন্তসৰাদিলোপে কিংসদ্দস্স ৰূপসিদ্ধীতি দস্সেতুমাহ কতমা’তিআদি, উভো অংসা অস্সাতি অত্থে ‘‘অযুভদ্ৱিতীহংসে’’তি (৪-৪৯) অযে‘‘সৰো লোপো সৰে’’তি (১-২৬) সৰলোপে ৰূপসিদ্ধীতি আহ-‘উভো অংসা’ইচ্চাদি, কাযং ৱৱত্থা নামে ত্যাহ-‘সাভিধেয্যা’ত্যাদি, অৱধিচ্চাদিনা তস্সেৱাত্থং ৱিভাৱেতি, অধংসো অভট্ঠতা অৱধিভাৱেযেৱাৱট্ঠানং, সাভিধেয্যা পেক্খাতি এত্থ সো সকো অভিধেয্যো অত্থো দিসাদি সাভিধেয্যোতি গহিতোতি আহ-‘পুব্বাদীন’ন্তিআদি, সাভিধেয্যন্তি কম্মতো পৰা অপপুব্বা ‘ইক্খ=দস্সনে’তীমস্মা ‘‘ক্ৱচণ’’ইতি (৫-৪১) অণ্পচ্চযে সাভিধেয্যাপেক্খো, সো ৱাৱধিনিযমোতি দস্সেতুমাহ-‘তমপেক্খতি’চ্চাদি, তত্থাধিপ্পাযং ৱিৱৰতি ‘তথাহি’চ্চাদিনা, এত্থ চ পৰাদিসদ্দাভিধেয্যো-ত্থো দিসাদেসাদি পুব্বাদিসদ্দাভিধেয্যস্সাত্থস্স দিসায দেসাদিনো ৱাৱধিভাৱেন নিযমৱসেন পৱত্ততি, যো চাৱধিভাৱো নিযমৱসেন পৱত্ততি, সোচাৱধিভাৱো নিযমৱসেন পৱত্তো পুব্বাদিসদ্দৱচনীযং দিসাদেসাদি মপেক্খতীতি সাভিধেয্যাপেক্খোৱধিনিযমোযেৱ ৱৱত্থাতি ৱুচ্চতীত্যযমধিপ্পাযো, ন তু অভিধেয্যাযন্তি অসম্ভৱা, অসম্ভৱমেৱ দস্সেন্তো আহ-‘যো হি’চ্চাদি, কোসল্লেন নিমিত্তেনাতি কুসল সদ্দস্স পৱত্তিনিমিত্তেন কোসল্লেন, উত্তৰাকুৰৱো উত্তৰকুৰুদীপ ৱাসিনো, দেসো ৱা, ‘নাঞ্ঞঞ্চ নামপ্পধানা’’তি (২-১৩৬) অনেনেৱ সঞ্ঞাযং সব্বাদিকাৰিযস্স নিসিদ্ধত্তে কিমসঞ্ঞাযংভ্যনেনেত্যাহ ‘নাঞ্ঞঞ্চে’ত্যাদি, কিঞ্চি পুব্বত্তাদিকমুদ্দিস্স কেসঞ্চি পুব্বোপৰোত্যাদিকা অত্থানুগতা সঞ্ঞা অন্ৱত্থসঞ্ঞা.

১০৪.তি

‘‘ৱানেকঞ্ঞত্থে’’তি (৩-১৭) ৱিকপ্পানুৱত্তনতো অযুত্তত্তাভাৱং দস্সেতি‘নযিদমযুত্ত’ন্তি, যুত্ততা চাস্স পাঠে ব্যভিচাৰ দস্সনতোতি ৱত্তুমাহ-‘নপুংসকে’চ্চাদি, পাঠানুগতা হি সুত্তৰচনা, ৱিকপ্পানুৱত্তিযা অনপুংসকমিদমেৱ ৱচনং তস্স ক্ৱচি ব্যভিচাৰত্তে ঞাপকন্তি ৱত্তুমাহ-‘তস্স চা’তিআদি, অৱস্সমেৱমেত্থ অত্থো গহেতব্বো, অঞ্ঞথা যথাৱট্ঠিতপাঠানুক্কমেনাত্থগ্গহণে সতি সুত্তস্স [সুত্তস্সা (পোত্থকে)] মুখ্যত্তপ্পতীতিতো কথন্তমঞ্ঞস্স ঞাপকং ভৱেয্য, মুখ্যভাৱে হি ঞাপকত্থং ন যুজ্জেয্য.