১০৮. অতে

ননু চ ‘‘লক্খণপটিপদৱুত্তেসু পটিপদৱুত্তস্সেৱ গহণ’’ন্তীমায পৰিভাসায লক্খণিকস্সাকাৰস্স গহণং ন পপ্পোতীত্যাসঙ্কিয পটিপাদযমাহ-‘ৰস্সাকাৰে’চ্চাদি, পৰিভাসায চস্সাযমত্থো ‘‘লক্খীযতেনেনেতি লক্খণং, সাধ্ৱসাধুজানন হেসুত্তা সুত্ত [সত্থ] মুচ্চতে, পটিগতম্পদং পটিপদং, উচ্চাৰিতমঞ্জসেত্যত্থো, লক্খণঞ্চ পটিপদঞ্চ লক্খণপটিপদানি, তেহি ৱুত্তানি ৰূপানি লক্খণপটিপদৱুত্তানি, তেসু, ৱুত্তসদ্দো পচ্চেকম্পৰিসমাপীযতে ‘লক্খণৱুত্তেসু পটিপদৱুত্তেসূ’তি, তত্ৰাঞ্চসা যমনিদ্দিট্ঠং, কেৱলং লক্খণদস্সনেনাস্মিং লক্খণে সত্যৱস্সমনেন ৰূপেন ভৱিতব্বন্তি লক্খণেন পটিপাদিতং, তং লক্খণৱুত্তমিত্যুচ্চতে, যন্ত্ৱঞ্জসা সদ্দেনেৱ পটিপাদিতং, তং পটিপদৱুত্তন্তি ৱুচ্চতে, তস্মিং লক্খণৱুত্তে পটিপদৱুত্তে চ ৰূপে সতি পটিপদৱুত্তস্সেৱ গহণং, নেতৰস্সে’’তি, পটিপদৱুত্তস্সেৱেত্যৱধাৰণেন নিযমৰূপভাস্সা পৰিভাসাযাৱগম্যতে, সো চ নিযমো অনিযমপুব্বকে সন্দেহে সত্যৱতিট্ঠতে, তস্মা যত্ৰ লক্খণৱুত্তমেৱ কেৱলং, ন পটিপদৱুত্তং, তত্ৰ নাযং পৰিভাসা ৱতিট্ঠতে, যত্ৰাপি পটিপদৱুত্তমেৱ কেৱলং, ন লক্খণৱুত্তং, সোপ্যেতিস্সা অৱিসযো, যত্ৰ দ্ৱে ৰূপানি সম্ভৱন্তি তত্ৰেৱা যম্পৰিভাসা সন্দেহাপাকৰণমুখেন পৱত্তাতি ঞাযপ্পত্তোযেৱা মত্থো ইমায পৰিভাসাযানুৱাদ্যতে, তথাহি সন্দেহঠানেসু যদ্যপ্যেকৰূপমেৱমভিন্নমুভিন্নং, তথাপি লক্খণৱুত্তং ৰূপং লক্খণে নোন্নীযমানং ধূমগ্গি ৱিয জলবলাকা ৱিয চানু মানিকং, যন্তু পটিপদ ৱুত্তং ৰূপং, তং পচ্চক্খসিদ্ধং, পচ্চক্খানুমানেসু চ পচ্চক্খম্বলৱন্তৰং পমাণন্তি অতো পটিপদৱুত্তমেৱ গয্হতীতি.