১৭. ছট্ঠী

কোত্থোন্ত সদ্দস্সেচ্চাহ-‘অন্তোৱসান’মিচ্চাদি, ‘‘ৱণ্ণস্সন্তস্স’’তি (১-১-৫২) সুত্তে ৱণ্ণগ্গহণমন্তৱিসেসনাযোপদিট্ঠং পাণিনিনা-অন্তস্স পদস্স ৱাক্যস্স ৱা মাভৱী’তি, ইহ ত্ৱনত্থকং ৱণ্ণগ্গহণং ব্যৱচ্ছেজ্জাভাৱাতি দস্সেতুমাহ-‘সো চে’ ত্যাদি, ননু ব্ৰহ্মস্সাতি ৱিসেসনত্থেন ৱত্তুমিচ্ছিতো মহাব্ৰহ্মসদ্দো ছট্ঠীনিদ্দিট্ঠো নামাতি ‘‘ব্ৰহ্মস্সু ৱা’’তি (২-১৯৪) উআদেসো ‘‘ছট্ঠিযন্তস্সা’’তি অন্তব্ৰহ্মসদ্দস্স পপ্পোতি, তথা সতি ‘ন হি ছট্ঠী নিদ্দিট্ঠস্স অন্তং পদং ৱাক্যং ৱা সম্ভৱতী’তি কস্মা ৱুত্তন্তি, ৱুচ্চতে- ন ৱিসেসনত্থেনাক্খেপমত্তেন মহাব্ৰহ্মসদ্দো ছট্ঠী নিদ্দিট্ঠো নাম ভৱতীতি ন ব্ৰহ্মসদ্দস্স সব্বস্সাদেসপ্পসঙ্গো, মহাব্ৰহ্মসদ্দে ৱা ব্ৰহ্মসদ্দো অত্থীতি তস্সান্তস্স উত্তং ৱিধীযতে.