অপ্পমাদাৱহ পকিণ্ণকনিদ্দেস

১. সংৱিজ্জন্তি ধ লোকস্মিং,

বহূ জীৱিতকপ্পনা;

গহেত্ৱা পত্ত মুঞ্ছো যো,

জীৱিকানং স লামকো.

২. সুকুলাচ তদুপগা, কামভোগা নপেক্খিনো;

ন ভযট্টা ন ইণট্টা, নেৱ আজীৱ কাৰণা.

৩. নালংৱ গিহিনা ব্ৰহ্ম, চৰিযায অখণ্ডিতং;

ঘৰাৱাসো তিসম্বাধো, পব্বজ্জাৱ নিৰালযা.

৪. ভৱপঙ্কা পমুচ্চাম, তিৱিত্তিণ্ণা ভযানকা;

পটিপত্তি যিমাযাতি, কত্ৱা তদুপগা ইমে.

৫. উত্তিট্ঠে নপ্পমজ্জেয্য, ধম্মং চৰিতং সুচৰে;

ধম্মচাৰী সুখংসেতি, অস্মিংলোকে পৰম্হিচ.

৬. স্ৱাগতা ৱত তেভিক্খূ, পত্তা সম্বুদ্ধপুত্ত তং;

গিহি বন্ধন পুচ্ছিজ্জ, সুখিতা সাসনে ৰতা.

৭. কতপুঞ্ঞ ৱিসেসাৱ, এতে সুলদ্ধ দুল্লভা;

ছট্টেত্ৱাপি মহাৰজ্জং, নেদিসং লদ্ধ মঞ্ঞদা.

৮. স্ৱাগতা সুগতী হোন্তু, মাদুগ্গতী পমাদিনো;

দুস্সীলা চে গমিস্সন্তি, অপাযং তিভযানকং.

৯. গিহিভোগা পৰীহিন্নো, সামঞ্ঞত্তঞ্চ দূভতো;

পৰিধংসমানো পকিৰেতি, ছৱালাতংৱ নস্সতি.

১০. কুসো যথা দুগ্গহিতো, হত্থমেৱা নুকন্ততি;

সামঞ্ঞং দুপ্পৰামট্ঠং, নিৰযা যুপ কড্ঢতি.

১১. যংকিঞ্চি সিথিলং কম্মং, সংকিলিট্ঠঞ্চ যংকতং;

সঙ্কস্সৰং ব্ৰহ্মচৰিযং, নতংহোতি মহপ্ফলং.

১২. কৰিযাচে কৰিযা ৱেনং, দড়্হমেনং পৰক্কমে;

সিথিলোহি পৰিব্বজো, ভিয্যো আকিৰতে ৰজং.

১৩. ইতি ৱুত্তং মুনিন্দেন, নুস্সৰং অনি ৱত্তিতো;

সদা অলিন চিত্তেন, চৰেয্য বুদ্ধসাৱকো.

১৪. ৰাগং অসুভচিন্তায, দোসং মেত্তায ৱাৰযে;

মৰণেন ধজংমানং, সম্বুদ্ধে তিক্খ সদ্ধিকো.

১৫. অসুভা কামৱিতক্কং, মেত্তা ব্যাপাদ তক্কিতং;

ৱিহিংসং কৰুণাযেৱ, নিৱাৰেয্য সদাসতো.

১৬. বুদ্ধাণত্তি সদাতীতো, মিচ্ছাৱিতক্ক পীড়িতো;

পাপধম্মেহি সংকিণ্ণো, সোনিচ্চাপায গামিকো.

১৭. ধোৱিত্ৱা পত্তিমলানি, পুনাতিক্কম সংৱুতো;

মিচ্ছাৱিতক্ক সঞ্ছেদী, দূৰো অপায গামিতো.

১৮. খীণাসৱত্ত বুদ্ধত্তং, নিয্যানিক ন্তৰা যিকং;

সীহনাদং চতুট্ঠানে, ৱেসাৰজ্জো জিনো নদি.

১৯. সীলং নিয্যানিকং নাম, আপত্তি অন্তৰাযিকং;

অন্তৰায মনাপজ্জ, নিয্যানেৱ পতিট্ঠতু.

২০. নিয্যানিকাচ অসুভা, সুভসঞ্ঞা ন্তৰাযিকা;

অন্তৰায মনাপজ্জ, নিয্যানেৱ পতিট্ঠতু.

২১. নানাপত্তি পকিণ্ণোপি, পাৰাজিকা ৱসেসকো;

সো মিত্যত্ত পণীধীহি, লজ্জীযেৱ ৱিসোধকো.

২২. অলজ্জীকম্ম কিণ্ণোপি,

সংৱেজেত্ৱা সুমিত্তিকো;

লজ্জীযেৱ ৱিসোধেন্তো,

মতকোৱ অসোধকো.

২৩. যো পুব্বেৱ পমজ্জিত্ৱা, পচ্ছাসো নপ্পমজ্জতি;

সোমং লোকং পভাসেতি, অব্ভামুত্তোৱচন্দিমা.

২৪. ধুৰংকত্ৱা ধিপতযো, যো পুঞ্ঞেসু পৰক্কমে;

তস্স নিয্যানিকং কম্মং, কিংনামকং নসিজ্ঝতে.

২৫. পচ্চতে মুনিনো ভত্তং, থোকংথোকং ঘৰেঘৰে;

পিণ্ডিকাযেৱ জীৱন্তু, মাপজ্জন্তু অনেসনং.

২৬. ধোৱেয্যা পত্তিমগানি, ৱুট্ঠান দেসনম্বুহি;

সংৱৰিস্সন্তি চিত্তেন, সীলং ধোতস্স নিম্মলং.

২৭. বুদ্ধাণাতিক্কমাপত্তি, নিগ্গহে ৰাগদোসকে;

নত্থি সঞ্চিচ্চ আপত্তি, লজীৱ সো পৱুচ্চতি.

২৮. ৱাণিজ্জ কসিকাদীহি, নাহাৰেট্ঠি ধসাসনে;

ধুৰ দ্ৱযংৱ কিচ্চং তং, নাঞ্ঞকিচ্চেহি হাপযে.

২৯. নিগ্গণ্হেয্য সকংচিত্তং, কিট্ঠাদিং ৱিয দুপ্পসুং;

সতিমা সম্পজানোচ, চৰে সব্বিৰিযাপথে.

৩০. যথা থম্ভে নিবন্ধেয্য, ৱচ্ছং দমং নৰো ইধ;

বন্ধেয্যেৱং সকংচিত্তং, সতিযা ৰম্মণে দড়্হং.

৩১. অধিসীলাধিচিত্তানং, অধিপঞ্ঞায সিক্খনং;

ভিক্খু কিচ্চত্তযং এতং, কৰোন্তোৱ সুভিক্খুকো.

৩২. পঞ্চাট্ঠ দস সীলানি, নাধিসীলং তদুত্তৰি;

পাতিমোক্খং অধিসীলং, পব্বতা ধিক মেৰুৱ.

৩৩. পাতিমোক্খং ৱিসোধেন্তো, অপ্পেৱ জীৱিতং জহে;

পঞ্ঞত্তং লোকনাথেন, নভিন্দে সীলসংৱৰং.

৩৪. সীলেনা তিক্কমং থুল্লং, পৰিযুট্ঠং সমাধিনা;

পঞ্ঞাযা নুসযং সণ্হং, কিলেসং ভিক্খু ভিন্দতি.

৩৫. সাসনস্সাদি সীলংৱ, মজ্ঝে তস্স সমাধিৱ;

পঞ্ঞাৱ পৰিযোসানং, কল্যাণাৱ ইমেতযো.

৩৬. মহাপুঞ্ঞে ঠিতং সীলং, সমাধি অপ্পনা গতং;

চতুমগ্গ যুতা পঞ্ঞা, এতং সিক্খত্তযং মতং.

৩৭. সীলনলক্খণং সীলং, দুস্সীল্য ধংসনং ৰসং;

হিৰোত্তপ্প পদট্ঠানং, সুচি পচ্চুপট্ঠানকং.

৩৮. সসীলগুত্তি নাথোচ, দুন্নিগহো ৱিসাৰদো;

ধম্মট্ঠীতীতি পঞ্চেতে, গুণা ৱেনযিকে মতা.

৩৯. আদি কল্ৰাণ সংৱেদী, সীলমত্তট্ঠ ভিক্খৱো;

উদ্ধং কল্যাণ লাভায, অলিনো অনিৱত্তিকো.

৪০. ধোৱিত্ৱা পত্তিমলানি, ৱুট্ঠান দেসন ম্বুহি;

সুদ্ধসীলে ঠিতোযেৱ, এৱং চিন্তেয্য পঞ্ঞৱা.

৪১. সম্পুদ্ধোৰস পুত্তাৱ, বুদ্ধুৰোজা নুস্সাৱনা;

সম্ভূতা পিতু দাযাদা, পুত্তানাম সভাৱতো.

৪২. খীৰং পিত্ৱাৱ জীৱন্তি, জাতাপি ইধ পুত্তকা;

পৰিযত্তি জিনক্খীৰং, পিত্ৱাৱ জিনপুত্তকা.

৪৩. দাযোচ নাম বুদ্ধস্স, ধম্মামিস ৱসাদ্ৱিধা;

মগ্গঞাণা দযো ধম্মো, চত্তাৰো পচ্চযামিসা.

৪৪. চিৰ মামিস দাযাদা, ৰাজপূজাদি গাহিনো;

দাযা মিস্সগ্গহং নিচ্ছি, সদ্ধম্ম গৰুকো জিনো.

৪৫. লক্খ কপ্প চতুস্সঙ্খ্য, কালং ৱিচিত নিচ্চিতং;

ধম্মদাযং নৱিন্দম্হা, বুদ্ধপুত্তাপি যেমযং.

৪৬. বুদ্ধৱাৰিত দাযাদা, সদ্ধম্মদায বাহিৰা;

পুত্তাপি সত্থুদাসাভা, ভুত্তমত্তা হি দাসকা.

৪৭. ভদ্দন্ত ৰাহুলস্সেৱ, দাযং নোপি অদা জিনো;

নাদিযিম্হা পমাদায, তং দাযং কুসলন্তকং.

৪৮. ধম্মদাযাদা মেভিক্খৱে তুম্হেভৱথ,

মাআমিস দাযাদা;

ইতি ৱুত্তং মুনিন্দেন,

সাৱকেসু দযাৱতা.

৪৯. ইমায বুদ্ধৱাচায, বুদ্ধসন্তক তং সৰে;

দ্ৱিন্নং আমিসঅ দাযাদ, ভাৱস্সচ নিৱাৰণং.

৫০. ৰজ্জে চণ্ডালপুত্তাৱ, সদ্ধম্মচক্ক ৱত্তিনো;

পুত্তা হোন্তাপি দাযেস্মিং, নিৰাসা তিৱ নিন্দিতা.

৫১. মিচ্ছাজীৱ সমাপন্না, অচ্চাসা পচ্চযামিসে;

মহাজানীয সম্পত্তা, মোঘকত্ৱা তিদুল্লভং.

৫২. গিহিকামে পহাযাগো, পৰৱন্তোসু লগ্গিতো;

গঙ্গাতিণ্ণো তড়াকম্হি, নিমুগ্গোৱা তিনিন্দিতো.

৫৩. চীৱৰে পিণ্ডপাতেচ, পচ্চযে সযনাসনে;

এতেসু তণ্হ মাকাসি, মালোকং পুনৰাগমি.

৫৪. ইতিৱুত্তা নুসাৰেন, পচ্চৱেক্খণ সুদ্ধিযা;

আমিসেসু হনে আসং, পুত্তমংসু পমং সৰং.

৫৫. সেয্যো অযোগুড়ো ভুত্তো,

তত্তো অগ্গিসিখূপমো;

যঞ্চে ভুঞ্জেয্য দুস্সীলো,

ৰট্ঠপিণ্ডং অসঞ্ঞতো.

৫৬. ইতিৱুত্তং নুচিন্তেন্তো, ৱজ্জে দুস্সীল ভাৱতো;

সীলে ঠিতোৱ ভুঞ্জেয্য, মাদিত্ত গুড়কং গিলি.

৫৭. অন্নান মথো পানানং,

খাদনীযান মথোপি ৱত্থানং;

লদ্ধান সন্নিধিং কৰিযা,

নচ পৰিত্তসে তানি অলভমানো.

৫৮. অঞ্ঞাহি লাভুপনিসা, অঞ্ঞা নিব্বান গামিনী;

সক্কাৰং নাভিনন্দেয্য, ৱিৱেক মনুব্ৰূহযে.

৫৯. অকত্ৱা আমিসে আসং,

সদ্ধম্মেযেৱ আসিকো;

অপ্পমত্তো সমাৰদ্ধো,

ধম্মদাযং লভিস্সতি.

৬০. পৰিযত্তিং ৱিনা সেয্যং, নলভন্তি বুধাঅপি;

সেয্যত্থিকোৱ সিক্খেয্য, নেৱ পূজাদি কাৰণা.

৬১. ভৱনিস্সৰণত্থংৱ, সিক্খে না লগ্গদূপমো;

তথূপমায সিক্খন্তো, অপাযেসু পতিস্সতি.

৬২. সিক্খিতেন অমানত্থং, নসাধু মানথদ্ধিকো;

মুদুভাৱায সিক্খিত্ৱা, দমেন্তো মুদুকো ভৱে.

৬৩. ৰাগং দোসং ধজংমানং, সিক্খন্তোপি ৱিৱজ্জযে;

দহৰাপি হি মিয্যন্তি, নত্থি ৱস্সগ্গতো মতং.

৬৪. সদ্ধংতিক্খেয্য বুদ্ধেন, ৰাগং অসুভ চিন্তযা;

মৰণেন ধজংমানং, দোসং মেত্তায ৱাৰযে.

৬৫. এতেহি চতুৰক্খেহি, গন্থং সিক্খেয্য সং ৱুতো;

সিক্খন্তস্সেহি ৰক্খেহি, নকোচি সংকিলেসিকো.

৬৬. বুদ্ধৱাচম্পি সজ্ঝায, এতেপি মনসীকৰ;

ৱুত্তো ধম্মৱিহাৰীতি, এদিসো সাসনে ৱৰো.

৬৭. গৰূন মুপদেসেন,

চতুৰক্খো সুসীলৱা;

অপ্পস্সুতোপি পাসংসো,

ভিয্যোযেৱ বহুস্সুতো.

৬৮. সাতং সেৱক্খণেৱপ্পং, তংহেত্ৱা নন্তাদুক্খন্তি;