৪. মেত্তাভাৱনানিদ্দেস

১. মেত্তা ভাৱন মিচ্ছম্পি, সুণ বুদ্ধৱচো যিদং;

দোস নিগ্গহণত্থায, দোসো মেত্তাযৱেৰিহি.

২. অক্কোচ্ছিমং অৱধিমং, অজিনিমং অহাসিমে;

যেচ তং উপনয্হন্তি, ৱেৰং তেসং নসম্মতি.

৩. অক্কোচ্ছিমং অৱধিমং, অজিনিমং অহাসিমে;

যেচতং নুপনয্হন্তি, ৱেৰং তেসং উপসম্মতি.

৪. নহিৱেৰেন ৱেৰানি, সম্মন্তিধ কুদাচন;

অৱেৰেনচ সম্মন্তি, এসধম্মো সনন্তনো.

৫. পৰেচ নৱিজানন্তি, ময মেত্থ যমামসে;

যেচ তত্থ ৱিজানন্তি, ততো সম্মন্তি মেধগা.

৬. কুদ্ধো অত্থং নজানাতি, কুদ্ধো ধম্মং নপস্সতি;

সদা অন্ধতমং হোতি, যংকোধো সহতেনৰং.

৭. উভিন্ন মত্থং চৰতি, অত্তনোচ পৰস্সচ;

পৰং সংকুপ্পিতং ঞত্ৱা, যো সতো উপসম্মতি.

৮. তস্সেৱ তেন পাপিয্যো, যো কুদ্ধং পটিকুজ্ঝতি;

কুদ্ধং অপটিকুজ্ঝন্তো, সঙ্গামং জেতি দুজ্জযং.

৯. খন্তী পৰমং তপো তিতিক্খা,

নিব্বানং পৰমং ৱদন্তি বুদ্ধা;

নহি পব্বজিতো পৰূপঘাতী,

নসমণো হোতি পৰং ৱিহেঠযন্তো.

১০. অকোধেন জিনে কোধং, অসাধুং সাধুনা জিনে;

জিনে কদৰিযং দানেন, সচ্চেনা লিকৱাদিনং.

১১. যো ৱে উপ্পতিতং কোধং, ৰথং ভন্তংৱ ৱাৰযে;

ত মহং সাৰথী ব্ৰূমি, ৰস্মিগ্গাহো ইতৰোজনো.

১২. পুৰিসস্স হি জাতস্স, কুধাৰী জাযতে মুখে;

যায ছিন্দতি অত্তানং, বালো দুব্ভাসিতংভণং.

১৩. সেলো যথা একগ্ঘনো, ৱাতেন নসমীৰতি;

এৱং নিন্দা পসংসাসু, নসমিঞ্জন্তি পণ্ডিতা.

১৪. সমানভাগং ক্ৰুব্বেথ, গামে অক্কুট্ঠ ৱন্দিতং;

মনোপদোসং ৰক্খেয্য, সন্তো অনুণ্ণতো সিযা.

১৫. নপৰো পৰং নিকুপ্পেথ, নাতিমঞ্ঞেথ কত্থচি নকিঞ্চি;

ব্যাৰোসনা পটিঘসঞ্ঞা, নঞ্ঞমঞ্ঞস্স দুক্খ মিচ্ছেয্য.

১৬. মাতা যথা নিযং পুত্ত,

মাযুসা একপুত্ত মনুৰক্খে;

এৱম্পি সব্ব ভূতেসু,

মানসং ভাৱযে অপৰিমাণং.

১৭. সুত্ৱান দুসিতো বহুং ৱাচং,

সমণানংৱা পুথুজনানং;

ফৰুসেন হি ন পটিৱজ্জা,

ন হি সন্তো পটিসেনিং কৰোন্তি.

১৮. সচ্চং ভণে নকুজ্ঝেয্য, দজ্জা অপ্পম্পি যাচিতো;

এতেহি তীহি ঠানেহি, গচ্ছে দেৱান সন্তিকে.

১৯. ন পৰেসং ৱিলোমানি, ন পৰেসং কতাকতং;

অত্তনোৱ অৱেক্খেয্য, কতানি অকতানিচ.

২০. সু দসং ৱজ্জমঞ্ঞেসং, অত্তনো পন দুদ্দসং;

পৰেসঞ্হি সো ৱজ্জানি, ওফুনাতি যথা ভুসং;

অত্তনো পন ছাদেতি, কলিংৱ কিতৱা সট্ঠো.

২১. নিধীনংৱ পৱত্তানং, যং পস্সে ৱজ্জদস্সিনং;

নিগ্গয্হৱাদিং মেধাৱিং, তাদিসং পণ্ডিতং ভজে.

২২. তাদিসং ভজমানস্স,

সেয্যোহোতি নপাপিযো;

ইতি ৱুত্তং মুনিন্দেন,

তিলোকগ্গেন সত্থুনা.

২৩. মেত্তা গন্ধেন ৱাসেন্তো,

দোসং দূৰেকৰে বুধো;

দূৰাসন্নেসু সব্বেসু,

অত্তনো ৱেৰিকেসুপি.

২৪. হনে দোসূ পনাহানি, অনত্থ কাৰকানি হি;

তেস্ৱ সন্তেসু সব্বেসু, মেত্তাহোতি সুনিম্মলা.

২৫. সতং দুজ্জন ৱাক্যেহি, নমনো যাতি ৱিক্ৰিযং;

নহিতাপযিতুং সক্কা, গঙ্গানদিং তিণুক্কযা.

২৬. নহি নিন্দা পসংসাহি, সতং মনোৱিকাৰতা;

ন কদাচিপি কম্পেয্য, ৱাতেহি সেলপব্বতো.

২৭. নদিযং খুদ্দকা নাৱা, ৱিচীহি উন্নতোনতা;

মহানাৱা নকম্পন্তি, মহন্তীহি ৱিচীহিপি.

২৮. লোকে পসংস নিন্দাহি, দুজ্জনোৱুন্নতোনতো;

সন্তোপঞ্ঞো নচলতি, মহানিন্দা থুতীহিপি.

২৯. সেলোসেলো নিলেহেৱ,

ৱণ্ণাৱণ্ণা অসস্সতা;

লাভালাভা সুখাদুক্খা,

যসাযসা নকম্পতি.

৩০. খমাধগ্গ কৰেতস্স, দুজ্জনো কিং কৰিস্সতি;

অতিণে পতিতো অগ্গি, সযমেৱ পসম্ভতি.

৩১. সযমেৱ সকত্তানং, মচ্চুব্ভযেন তচ্ছতু;

মাঞ্ঞে তচ্ছতু দোসেন, কিমত্থং অঞ্ঞতচ্ছনং.

৩২. মাঞ্ঞে তচ্ছ তুদোসেন, নসেয্যো অঞ্ঞতচ্ছনং;

মাঞ্ঞো তং অহিব্যগ্ঘেৱ, দোমনস্সেন ভাযতু.

৩৩. নিস্সায গৰুকাতব্বং, বহূনং পাপমোচনং;

অচাপল্লেন সন্তেন, গৰুকাতব্বতং ৱজে.

৩৪. নিস্সায গৰুকাতব্বং, বহূনং পুঞ্ঞৱড্ঢনং;

গৰুকাতব্বতং গচ্ছে, ধীতিযা সীল গুত্তিযা.

৩৫. সন্তং হি সীলৱং ধীতিং, হিৰোত্তপ্পেন ভাযতি;

দুজ্জনং দোমনস্সেন, অহিব্যগ্ঘেৱ ভাযতি.

৩৬. নফৰুসায ৱাচায, অঞ্ঞে দমেয্য পণ্ডিতো;

অত্তানংৱ দমেত্ৱান, অঞ্ঞে সণ্হেন ওৱদে.

৩৭. চিত্তে সণ্হে অসণ্হাপি, নৱাচাফৰুসা ভৱে;

তস্মা ওৱা দনাদীসু, ৰক্খেয্য থদ্ধচিত্ততো.

৩৮. অত্তান মোৱদত্থায, সিক্খেয্য বুদ্ধভাসিতং;

পৰম্পি অনুকম্পায, ইচ্ছন্তো অনুসাসযে.

৩৯. অঞ্ঞং ননিগ্গহে কিঞ্চি, সুতেন পটিপত্তিযা;

অত্তনিগ্গহণং সেয্যো, নুন্নমেয্য জিনোৰসো.

৪০. নাৱীকৰেয্য দোসংৱা, লোভং মানং সকংমলং;

মাঞ্ঞে মঞ্ঞন্তু তং দিস্ৱা, চিৰপ্পব্ব জিতো নুতি.

৪১. ককচেন ত্তছেদেন্তে, ৱেৰিকেপিনদোসযে;

ইচ্চোৱাদং মুনিন্দস্স, সম্পটিচ্ছ জিনোৰসো.

৪২. ৱেৰী অচ্চুপনাহীপি, ৰূপেৱ দুক্খকাৰকো;

ন ত্ৱ তব্বিসযে নামে, দুক্খং মাকৰি চেতসি.

৪৩. ৱেৰী তিবন্ধ ৱেৰোপি, ইহেৱ দুক্খকাৰকো;

ভৱন্তৰং নঅন্ৱেতি, সকম্মুনা গতো হিসো.

৪৪. দোসোতু ইহ পীড়েত্ৱা,

দুক্খাৱহো ভৱেভৱে;

মহানত্থ কৰং দোসং,

কস্মা ৱড্ঢেতি চেতসি.

৪৫. মেত্তাসীতম্বুসেকেন, জিনোৱাদ মনুস্সৰং;

মহা নত্থ কৰং দোসং, নিব্বাযতু স চেতসি.

৪৬. ছদ্দন্তো লুদ্দকং পাপং, ভূৰিদত্তোহি তুণ্ডিকং;

ধম্মপালো খমি তাতং, কপিন্দো কন্দৰো পতং.

৪৭. অসঙ্খ্যেয্য ত্তভাৱেসু, পৰৱজ্জং তিতিক্খতো;

নাথস্স পাৰমিং খন্তিং, সৰং ধীৰো তিতিক্খতু.

৪৮. সাসনে চিৰৱাসেন, এৱং নিদ্দোসকা ইতি;

তুৱং পটিচ্চ মঞ্ঞন্তু, সাসনে সপ্পযোজনং.

৪৯. সাসনে চিৰ ৱাসাপি, মাদিসাৱ ইমে ইতি;

তমাগম্ম নমঞ্ঞন্তু, সাসনে নিপ্পযোজনং.

৫০. দ্ৱে উসেতীতি দোসো সো, সপৰং দয্হতে দ্ৱযং;

পহাতব্বো স সব্বেসু, পৰত্থ সত্থ মিচ্ছতা.

৫১. পৰদিন্নেহি নোআযু, তিট্ঠতে নাত্তনো ৱসা;

পৰৱজ্জং খমেতব্বং, নসাধু অঞ্ঞৱিৰোধিতো.

৫২. জেগুচ্ছ ক্কোস নিন্দানি, বালো গণ্হাতি অক্খমো;

খমন্তোতু নগণ্হাতি, জানং জেগুচ্ছিতানিতি.

৫৩. পৰদিন্নানি ৱচ্চানি, পাভতন্তি নকোচিপি;

গণ্হেয্যেৱং দুৰুত্তানি, অগণ্হন্তো খমে সতো.

৫৪. নদি কল্লোল ৱিচিযো, তীৰং পত্ৱা সমন্তিধ;

সব্বে উপ্পতিতা দোসা, খন্তিপত্ৱা সমন্তি তে.

৫৫. দোসুম্মত্তক ৱাচায, নুম্মত্তো কিংকৰিস্সতি;

ভৱে য্যুম্মত্তকো সোৱ, তাদিসং ৱচনং ভণং.

৫৬. কোধনো অক্খমো অঞ্ঞ, দুট্ঠসঞ্ঞী ভযালুকো;

গামমজ্ঝে অড়ক্কোৱ, তথা মাহোহি তং জহ.

৫৭. মেত্তালুকো খমাসীলো,

সব্বট্ঠানেসুনিব্ভযো;

পৰত্থ সত্থ মিচ্ছন্তো,

খন্তি মেত্তঞ্চ ভাৱযে.

৫৮. পৰক্কোসানি নিন্দানি, তংৱ পচ্চেন্তি নাঞ্ঞগূ;

খিত্তংপংসুৱ ৱাতুদ্ধং, গৰুকং কিং খমাযতে.

৫৯. অক্কোসন্তোচ নিন্দীচ, পীড়িতো সক কম্মুনা;

ইধ পেচ্চচ নীচেয্যো, নংনযং গণ্হি অক্খমো.

৬০. অক্কোসো মং নআগচ্ছি,

তস্সেৱা নত্থকাৰকো;

ইতি ঞত্ৱাৱ সপ্পঞ্ঞো,

অক্কোসং ন গৰুং কৰে.

৬১. ৱিকাৰাপত্তি মিচ্ছন্তো, ৱেৰী বহু মুপক্কমি;

মামিত্তৱস মন্ৱেহি, নিব্বিকাৰো তুৱংভৱ.

৬২. মেত্তম্বুনা সদ্দোসোচ, পৰদোসোচ সম্মতি;

মেত্তাসেকেন সব্বেসু, সব্বতোগ্গিং নিপাৰযে.

৬৩. সদোস পৰদোসগ্গিং, সব্বতো দিসতো ট্ঠিতং;

মেত্তা তোযেন ৱাৰেয্য, সিযা নিব্বুতি সব্বধি.

৬৪. নগমে অত্তনো অগ্গিং, পৰগ্গিংৱাপি নাগমে;

মেত্তম্বুনাৱ নিব্বাতু, সপৰগ্গি দ্ৱযং ভুসং.

৬৫. গুণী গুণী নন্দিন্দায, পসংসায গুণী গুণী;

নিন্দংনিন্দং নকুপ্পেয্য, নসাদিযে থুতিং থুতিং.